|  |
 |  |  |  Euros Childs
Caernarfon, Mawrth 2006
Gethin Wyn Jones
Lle a phryd?
Galeri Caernarfon, Dydd Gŵyl Dewi 2006
Y bandiau?
Euros Childs, Gorwel a Fiona Owen ac roedd DJ Huw Stephens yn gyfrifol am y gerddoriaeth rhwng y setiau.
Enw'r adolygydd
Gethin Wyn Jones
Awyrgylch?
Awyrgylch gyfforddus a chlos, gyda phrif theatr y Galeri yn llawn pobl o bob oedran. Roedd y mwyfarif o'r gynulleidfa yn eistedd ar lawr y Galeri, oedd yn rhoi teimlad intimate i'r gig.
Trac y noson?
'Dawnsio Dros y Môr' yn dod â theimlad hapus a hafaidd i calonnau y gynulleidfa a hitha yn noson oer iawn tu allan.
Disgrifiwch y perfformiadau
Gorwel a Fiona Owen - Pedwarawd unigryw Cymraeg/Saesneg. Roedd eu caneuon am obaith mewn steil o gerddoriaeth traddodiadol Gymreig wedi'w gymysgu gyda cherddoriaeth gwlad yn un unigryw iawn. Caneuon araf gyda melodiau syml oedd y mwyafrif yn y set gyda sypreis cover o gân Datblygu - Symud i Ddim. Euros Childs - Yn ran o fand Euros am y noson oedd Alun Tan Lan, Pete Richardson a dau aelod o Radio Luxemburg. Roedd y set yn cychwyn gyda cân agoriadol yr album 'Chops', er nad oedd llawer o ganeuon adnabyddus gan Y Gorky's yn y set, roedd y caneuon oddi ar yr album Chops yn plesio. Roedd y Mwnci Drwg yn uchafbywnt gydag Euros yn gweiddi ei galon allan drwy neud synau mwnci, roedd y cyffro o ysbryd y mwnci i'w weld o fewn Euros! Roedd 'First Time I Saw You', 'Donkey Island' a'r hynod o hafaidd 'Dawnsio Dros Y Môr' i gyd yn plesio y gynulleidfa. Roedd y band yn cyd-weithio yn dda gyda phob aelod yn amlwg yn mwynhau eu hunain. Roedd y perfformiad yn dda iawn ac roedd Euros yn cysylltu yn dda gyda'r gynulleidfa. Cychwyn addawol i'r daith Brydeinig.
Beth sy'n aros yn y cof?
Y nerth mewnol oedd gan Euros Childs o gychwyn y set hyd at y diwedd.
Uchafbwynt y noson?
Synau mwnci Euros Childs.
Y peth gwaethaf am y noson?
Un neu ddau o draciau oddi ar Chops yn cael eu gadael allan - 'Costa Rita' a 'Country Girl'.
Achlysur roc a rôl?
Yn ystod y Mwnci Drwg ddaru Euros fynd allan o reolaeth! Roedd y dwr cyfagos yn helpu iddo gael ei wynt a roedd chwerthin gan y gynulleidfa, Alun Tan Lan ac Euros yn creu moment unigryw yn y set.
Talent gorau'r noson?
Euros Childs
Marciau allan o ddeg?
8/10 Lincs Gwefan
euroschilds.com
Sesiwn C2 Euros Childs
Fiona a Gorwel Owen
Galeri
Nid yw'r BBC yn gyfrifol am unrhyw wefan allanol y cysylltir iddi o'r tudalennau yma.
| |
|
Amserlen C2:
Cysylltiadau, artistiaid, bandiau...