Neb: Roedd ateb Cymru i'r Darkness yn ardderchog ar y noson, yn llawn egni a hwyl. Fodd bynnag, cefais i (a chryn tipyn o bobl yn y gynulleidfa efallai) siom pan gyrhaeddon nhw ddiwedd y set heb chwarae dau hen drac, 'Dawnsio Yn Y Glaw' a 'Chwilio Amdanoch Chi'.

Radio Luxembourg: Ar eu hymweliad cyntaf i'r Wyddgrug, ddaru y bedwarawd yma chwarae'n arbennig o dda. Roedd 'na ddylanwad Gorky's Zygotic Mynci amlwg yn eu cerddoriaeth, efo synau Moog i'r blaen, ond serch hynny, roedd hi'n anodd i ddiffinio'u steil cerddorol. Efo'u record cyntaf ar y gweill, dylai perfformiadau fel hyn blesio ffans cerddoriaeth ledled Cymru.

Kentucky AFC: Roedd y set ei hunain yn un dda, ond roedd o'n siomedig i weld cymaint o bobl yn gadael cyn iddo ddod i ben.

Trac y noson
Wnaeth 'Gizmo' gan Kentucky AFC - y trac cyntaf o'u set - adeiladu yn dda iawn.

Uchafbwynt y noson
Cân olaf Neb, 'Y Masycyr' - cân roc a rôl go iawn!

Y peth gwaethaf am y noson
Doedd 'na ddim digon o bobl yn y gynulleidfa. Cafodd y gig ei hyrwyddo yn y papurau lleol ac yn y blaen, ond dydi pobl yn y gogledd-ddwyrain ddim yn disgwyl bandiau Cymraeg i ddod i'r ardal i chwarae ar sail rheolaidd. Tasai 'na noson misol neu ddeu-fisol yn Sir y Fflint (Gwener y Grolsch, efallai), gallom weld torf gwell yn y dyfodol.

Achlysur Roc a Rôl
Rhywbeth roc a rôl? Yn Yr Wyddgrug??

Beth sy'n aros yn y cof?
Gweld basydd Neb yn neidio oddi ar y llwyfan yn ystod eu set; gwylio criw o hogia o'r Maes Garmon yn gwneud y pogo fel nytars.

Talent gorau'r noson
Mae'n anodd i ddeud, ond roedd Radio Luexembourg yn broffesiynol iawn - edrych ymlaen at glywed y sengl!

Marciau allan o ddeg
7/10

Un gair am y gig
Swnllyd

Unrhyw sylwadau eraill?
Mwy o fandiau Cymraeg i'r gogledd-ddwyrain plis!

Lincs gwefan
Taith C2 Bandit
Lluniau'r Gig
Kentucky AFC
Sesiwn Radio Luxembourg