 |  Elin Fflur, Frizbee, Bob
Waa! Bala, Medi 2005
Gan Leusa Fflur
Lle a phryd
Gwyl Waa! Bala - Y Grîn, Bala. 9fed a 10fed o Fedi, 2005
Y bandiau
Nos Wener - Elin Fflur yn unig.
Nos Sadwrn - Smooth Roscow, Amledd, Bob, ryw fand oedd yn swnio fel Papagini, Frizbee a Celt
Awyrgylch
Yn od iawn i feddwl mai yn Bala mae'r ŵyl, mae'r babell wen fawr yn llawn dop, a dim ffermwyr yn unig sydd yma, o naci.... mae pawb yn hapus ac yn nabod ei gilydd ac yn mwynhau'r gerddoriaeth a'r dawnsio.
Trac y noson
'Defaid' gan Bob. Mae hon yn ddiweddar newydd lanio ar Radio Cymru, ac yn cael ei chwarae yn aml - roc a rol gwych gyda cytgan afaelgar "DEFAID, JYST DEFAID!"
Disgrifiwch y perfformiadau
Smooth Roscow:
Band cyfyr yn canu clasuron roc a rol Saesneg - cerddorion talentog, ddylsa nhw ystyried sgwennu caneuon eu hunain.Y Band Diarth o Sir Fôn nad ydwi'n Gwybod eu Henw:
Waw mi oedd rhein yn dda, a fina yn meddwl yn wyllt pam nad oni wedi clywed amdanyn nhw o'r blaen! Ryw roc/pop ysgafn gyda ffryntman da, edrych mlaen i'w gweld nhw'n datblygu. Bob:
Y band sydd wrthi'n dringo'r grisiau i fod yn un o fandiau roc trwm gorau'r Gymraeg. Caneuon gafaelgar, cerddorion talentog, swn uchel a gitar pinc - be gewch chi well?! Amledd:
Band newydd Billy Thompson (ffidlwr Meic Stevens, he he ma hyna'n swnio'n amheus!). Dim dryms, dim ond gitar, ffidil a llais. Fe gymerodd ychydig i ddod i arfer gyda'r steil, a'r llais, ond roedd yn neis cael rhywbeth gwahanol fel hyn. Frizbee:
Mor egniol â'r arfer! Pawb wrth eu boddau, ond dim lot o gyfathrebu â'r gynulleidfa, neu ella mai fi oedd ddim yn sbio. Celt:
Dydw i ddim yn hoffi'r band yma, ond o ganlyniad i gael fy magu mewn ty lle ma @.com yn cael ei chwarae dragwyddol, dwi'n gwybod y caneuon i gyd. Ac ar ôl lemoned neu ddau yn ormod yn ôl y sôn, mi gafodd y band 'ma fi i ddawnsio ar ben bwrdd picnic o flaen tua 400 o bobol. owff anffodus. (ond os oes rhywun yn holi, dim fi oedd hi). Perfformiad egniol, da. A roedd Celt yn ok hefyd!
Uchafbwynt y noson
Sylwi bod y band diarth o Sir Fon yn ofnadwy o dda, a felly bod band gwych arall ar landio ar y Sin Gerddorol Gymraeg.
Y peth gwaethaf am y noson
Mai hen stejars fel Celt gafodd eu dewis i hedlainio'r noson, er bod sawl band ifanc, ffresh i'w gael i wneud hynny. Ac wrth gwrs y ffaith bod Sibrydion na Brigyn wedi chwarae yn wahanol i be ddwedodd y poster.
Achlysur Roc a Rôl
Gitar pinc Marsli yn y band Bob!
Beth sy'n aros yn y cof
Disgyn oddi-ar fwrdd picnic, a pawb yn canu hefo Frizbee
Talent gorau'r noson
Billy Thompson yn chwarae'r Ffidl i'r band Amledd, er ei fod o'n dwyn y sioe braidd.
Marciau allan o ddeg
5/10
Un gair am y gig
Waaaa! Unrhyw gyngor pellach?
1. Osgowch ffermwyr Bala ar bob cyfrif, yn enwedig y rhai mewn crysau gwyn gyda streips glas.
2. Ffeindiwch allan pwy 'di'r band newydd gwych 'ma o Sir Fôn!
3. Peidiwch a dawnsio ar fyrddau picnic doji. Lincs gwefan:
Gwefan Frizbee
Gwefan Elin Fflur
Gwefan Amledd
Gwefan BOB
www.rhysmwyn.com (sylwer ei fod yn uniaith Saesneg) Nid yw'r BBC yn gyfrifol am unrhyw wefan allanol y cysylltir iddi o'r tudalennau yma.
| |
Amserlen C2:
Cysylltiadau, artistiaid, bandiau...