 |  Sibrydion, Briwsion...
Caerdydd, Hydref 2005
Non Jones
Lle a phryd
Clwb Ifor Bach, nos Iau 13eg Hydref - noson Stonc, diwrnod John Peel a Taith C2 Bandit!
Y bandiau
Sibrydion, Y Briwsion, Pwsi Meri Mew Movement a DJ Ian Cottrell
Awyrgylch
Roedd yr awyrgylch yn arbennig. Digon o fyfyrwyr o bob cornel o Gymru yno chwarae teg. Digon o gefnogaeth o'r gogledd i Pwsi Meri Mew yn enwedig.
Trac y noson
Arallfyd - Pwsi Meri Mew
Disgrifiwch y perfformiadau
Cychwyn gyda Pwsi Meri Mew Movement. Mae'r band yma â swn unigryw, proffesiynol a phrofiadol. Mae'r band yn chwarae cerddoriaeth ffync/indie/reggae, sy'n braf iawn i'w chlywed. Roedd hi'n chwa o awyr iach clywed band newydd gyda swn hollol wahanol i'r bandiau eraill sydd o gwmpas ar y funud.Roedd Alun Gaffey ar y gitar a'r prifleisydd i weld yn mwynhau ei hun ac yn nabod dipyn oedd yna yn gwrando ar y band. Mi wnaeth Sion Ifan, ar y dryms, rhoi perfformiad egniol iawn. Heb anghofio Matt ar y gitâr blaen oedd wedi ymgolli'n llwyr yn y profiad. Roedd y band i weld yn mwynhau eu hunain ac roedd yna griw go lew yno yn gwrando arnyn nhw yn gynnar yn y noson. Dyma oedd y tro cyntaf i mi glywed Y Briwsion. Ma nhw yn fand addawol iawn. Cerddoriaeth roc eithaf meddal ganddyn nhw. Cân 'Dwr a Pridd' nes i fwynhau orau dwi'n meddwl. Dwi'n gobeithio gweld mwy o'r band yma yn y dyfodol. Gobeithio fod yna fwy o gigs ar y gweill ganddyn nhw. Sibrydion i orffan, sydd, ers rhyddhau eu halbym JigCal yn yr haf wedi sefydlu eu hunain fel grŵp o safon. Mae'r grŵp gyda ffordd broffesiynol iawn o chwarae yn fyw wedi'r holl brofiad gyda Big Leaves. Dwi'n hoffi swn Sibrydion, rhyw pop/roc gyda pawb i weld yna yn mwynhau bob cân. Dim un gân wan i'w chlywed yn eu set - o un clasur cyfoes i'r llall. Mi nes i fwynhau set nhw yn fawr iawn, cystal os nad gwell nag erioed dduda i.
Uchafbwynt y noson
Blithdraphlith gan Y Sibrydion oherwydd swwwwn y gân - pawb yn gwybod yr alaw, ddim mor sicr am y geiriau!!
Y peth gwaethaf am y noson
Gan fod pobl yn sobor rodden nhw i weld yn cuddio yn ymylon Clwb Ifor yn lle gadael eu hunain fynd ychydig bach mwy i'r gerddoriaeth. Dim digon o hed-bangio ac ati, sydd o hyd yn arwydd da o gig gret.
Achlysur Roc a Rôl
Siarad gyda aelodau o'r bandiau, teimlo rêl grwpi!
Beth sy'n aros yn y cof?
Cofia atgoffa fi'n hun i wylio allan am Y Briwsion yn y dyfodol gan mod i wedi gael fy mhlesio gyda eu set byw nhw. Enw i'w gadw yn y cof i'r dyfodol agos.
Talent gorau'r noson
Pwsi Meri Mew
Marciau allan o ddeg
10
Un gair am y gig
Clasur Unrhyw sylwadau eraill? Cynghorion? Rhybuddion?
Mae Stonc yn mynd o nerth i nerth, dewch yn llu! Cysylltiadau'r we
Taith C2 Bandit
Teyrngedau John Peel
Lluniau o'r gig yn Galeri C2
Sesiwn Briwsion i C2
Sesiwn Sibrydion i C2
Clwb Ifor Bach Nid yw'r BBC yn gyfrifol am unrhyw wefan allanol y cysylltir iddi o'r tudalennau yma.
| |
Amserlen C2:
Cysylltiadau, artistiaid, bandiau...