Mae hon yn set fyr iawn, tua 5 can, sy'n siomedig braidd. Mae llawer o'r geiriau yn gyfarwydd iawn, ond mae Gwilym yn penderfynu newid y gerddoriaeth achos "ei fod wedi cael digon ar yr un hen ganeuon" ! Ond mae'r ail-gylchu geiriau dal yn effeithiol, a talent gitar a'r llais anhygoel o unigryw yn llwyddo i gario'r set yn esmwyth. Cerddoriaeth mellow iawn, ond mae rhyfeddod y llais yn rhoi'r gerddoriaeth mewn genre ei hun. Cofiwch bod Albym gynta Gwilym, Traffig, allan rwan hyn ar label Rasal.

Winabego - Band arall sydd wedi gweithio'n galed i ddod i amlygrwydd uchel yn y Sin Gerddorol Gymraeg ers blwyddyn. Gwelwyd hynny pan y rhoddwyd eu EP gyntaf, Hyder Bregus [Rasal], ar y rhestr fer ar gyfer gwobr EP/Sengl orau yn Ngwobrau RAP 2004, eleni. Mae'r holl gigio led-led y wlad wedi talu ar ei ganfed, a roedd y set roc/pop trwm yn broffeshynol. Cafodd y band ymateb da i'r caneuon cyfarwydd rheini oddi-ar Hyder Bregus, a hydnoed mwy o ymateb i'r cyfyrs gwych o Pwdin Wy gan Gruff Rhys, a Ffarout gan Ffa Coffi Pawb. Mi gafodd pob un o'r gitarists dro i ganu, a roedd talent y gitarydd blaen yn amlwg drwy'r swn. Un o'r uchafbwyntiau heblaw'r cyfyrs oedd y gan boblogaidd Unarddeg Dyn i Lawr, sy'n un o ganeuon gorau a ysgrifennwyd flwyddyn dwetha yn fy marn i. Lot o'r gynulleidfa yn sylwi bod y swn yn ymylu ar fod yn debyg i gerddoriaeth y Strokes, a bod y band hydnoed yn dechrau edrych fel nhw hefyd, 'dw i'n deud dim!

Mattoidz - I gloi'r noson o berfformwyr a ddaeth i amlygrwydd dros y flwyddyn dwetha y mae Mattoidz. Band o'r De sydd hefo presenoldeb enfawr i sythu'r glorian rhwng y gogs a'r hwntws yn y cwps! Mae sawl cân yn y set yn anghyfarwydd, ond sydd yn ragflas gwych i'r Albym sydd wrthi'n cael ei recordio rwan - bydd hi allan yn mis Mai gobeithio, a rydw i wedi cynhyrfu'n lan yn meddwl am y peth yn barod! Dyma fand sydd hefyd yn dibynu lot ar y gitars i greu miwsig roc/pop. Mae yma eto dalent offerynol amlwg iawn, a mae'n gwneud cymaint o wahaniaeth. Uchelbwyntiau - y caneuon cyfarwydd, Tan y Tro Nesa, Sos Coch a'r Dyn Telesales; pawb yn canu hefo'r band ac yn dawnsio ffwl sbid. Llwyddiant!

Uchafbwynt y noson :
Union yr un ateb a 'trac y noson' ! Mi oedd y gan Sos Coch yn uchafbwynt i'r noson, a gweld pawb yn mynd yn wyllt efo'r miwsig ac yn neidio fyny a lawr fel gwenoliaid.

Y peth gwaethaf am y noson :
Y sain a'r goleuadau. A bod set Gwilym Morus rhy fyr. Mae y Cwps yn lle da am gig oherwydd ei fod digon bach i bawb fod yn cymryd sylw, a bod o ddigon mawr i hynny sydd isho bod yno fod yno, ac wrth gwrs oherwydd y naws arbennig sydd yno. Ond dydi sain nosweithiau Naws ddim bob amser yn tip top, a mae'n beryg bod lot yn cael ei golli yn y swn mawr sy'n dod allan o'r sbicars. Mae'r diffyg goleuo hefyd yn golygu bod y perfformwyr ar y llwyfan mewn tywyllwch, sy'n anffodus !

Achlysur Roc a Rôl :
Yr hed-bangars oedd yn hed-bangio ar ben eu hunain drwy set Winabego a Mattoids! Gwalltgof!

Beth sy'n aros yn y cof:
Picio lawr staer, a clywed Pwdin Wy gan Gruff Rhys drwy'r to - Winabego'n gwneud cyfyr! Oedd o mor debyg, ac mor wych!

Talent gorau'r noson :
Gwilym Morus ei hun. Llais anhygoel, caneuon gwych, geiriau barddonol, clyfar.

Marciau allan o ddeg:
7

Un gair am y gig :
Tywyll

Unrhyw sylwadau eraill? Cynghorion? Rhybuddion? :
Cyrhaeddwch nosweithiau Naws yn gynnar i gael lle - bob nos Prynwch Albym newydd Gwilym Morus, Traffig, sydd ar werth yn eich siopau lleol neu ar Sebon.co.uk!
Prynwch Hyder Bregus gan Winabego, un o'r EP's gorau os nad Yr orau a ryddhawyd flwyddyn dwethaf!

Pediwch a methu gig gan y Mattoidz ar unrhyw gyfri! Mae nhw'n rocio!