I fi, trac y noson oedd "21 ounces" gan y Goldie Lookin' Chain, oherwydd roedd hi'n llawn egni, a'r lle'n gwbwl llawn erbyn iddyn nhw ei chware fo, neu efallai "Your Mother..." gan ei fod yn un o uchafbwyntiau'r noson, roedd pawb wedi bod yn disgwyl cael ei glywed, a fe orffenon nhw ar uchafbwynt, gyda pawb yn fodlon.

Fe wnaeth Pep le Pew y gorau y gallen nhw o sefyllfa eithaf anodd yn fy marn i, doedd bob dim dal heb ddod at ei gilydd ers y powercut ond roedden nhw'n benderfynol o roi set dda i'r bobl oedd wedi bod yn disgwyl am oriau i rywbeth ddigwydd, ac fe aeth hi i lawr yn wych, oherwydd fod pawb wedi bod yn disgwyl am mor hir.

Roedd rhan fwyaf o'r pobl yna yn gyfarwydd â cherddoriaeth Pep le Pew a Goldie Lookin' Chain, ond dydw i ddim yn meddwl bod cymaint o bobl yno i weld John the White Rapper. Er hyn, chwaraeodd set eithaf byr, ac fe aeth i lawr yn dda gyda'r gynulleidfa, un gân oedd yn sefyll allan oedd "Girls Don't Like Me", rap ddoniol oedd yn fy atgoffa o waith cynnar Mike Skinner.

Roedd perfformiad y Goldie Lookin Chain braidd yn fyr, ond roedden nhw wedi dechrau'n hwyrach na roedden nhw'n disgwyl, felly does dim bai i roi yn fan'na. Chwaraeon nhw'r ffefrynnau i gyd, a chawsom glywed banter arferol a doniol y criw rhwng y caneuon. Fyddai byth yn gallu gwrando ar acen Casnewydd yn yr un ffordd eto!

Uchafbwynt y noson
Uchafbwynt y noson oedd diweddglo gwych y Goldie Lookin Chain, wrth iddyn nhw orffen gyda un o'u caneuon mwyaf poblogaidd, "Your Mother has a p*nis", cân roedd pawb wedi bod yn disgwyl ei chlywed am oriau! Dim ond un peth drwg am y noson - sef y powercut. Roedd hi'n golygu bod yn rhaid i bobl aros o tua wyth o gloch tan o amgylch deg cyn clywed unrhyw beth, a hefyd bod dim amser i glywed y bandiau cefnogaeth i gyd, oedd yn biti. Rhywbeth sy'n aros yn y cof yw trio gwneud yn siŵr fod fy nhrowsus ddim yn cael eu rhoi ar dân gan y canhwyllau oedd ym mhobman!

Talent gorau'r noson
Goldie Lookin Chain heb amheuaeth

Marciau allan o ddeg
8/10

Un gair am y gig
Rhyfeddod

Unrhyw gyngor
Fy nghyngor i i unrhyw un sydd yn mynd i Neuadd Hendre mewn tywydd drwg fyddai, efallai y byddai'n syniad da i ddod a torch ac ymbarel! Ond er hyn, mae'r awyrgylch yno yn wych bob amser.

Lincs gwefan
www.ffarout.com
www.slacyr.co.uk

Nid yw'r BBC yn gyfrifol am unrhyw wefan allanol y cysylltir iddi o'r tudalennau yma.