|  |
 |  |  |  Y Diwygiad, Anweddus...
Merthyr - 19.01.07
Owain Williams
Adolygydd?
Owain Williams
Lleoliad?
Canolfan Gymraeg Merthyr Tydful
Y Bandiau?
Y Diwygiad, Anweddus
Awyrgylch?
Mi roedd y 'stafell yn cynnal yn dorf yn berffaith a bu awyrgylch bywiog trwy gydol y perfformiadau. Er nad oed yr ystafell yn llawn, roedd digonedd o bell ffordd i gynnal gig cryf. Fel un o ddigwyddiadau cyntaf hysbysiedig y ganolfan, credaf y bydd pethau da i'w gweld yno yn y dyfodol.
Trac y noson?
Bu "Mewn Can Mlynedd" yn gofiadwy iawn a phwysleisiau'r band ei neges wleidyddol am yr iaith. Rhaid dweud dyma oedd trac y noson.
Disgrifiwch y Perfformiadau?
Anweddus
Agorwyd y noson gan Anweddus, band weddol leol o'r Rhondda yn chwarae set gytbwys o ganeuon gwreiddiol a chaneuon poblogaidd. Roedd llais hyderus James Saunders yn eistedd yn gyfforddus dros waith medrus ei adran rhythm (bâs a drymiau). Chwaraeai'r brif gitar yn hyderus, a cododd pawb ar eu traed pan ddechreuwyd riff o fersiwn ddiddorol Gymraeg o gân Feeder, Buck Rogers. Wedi solo bass anhygoel funk cwbwlhawyd set Anweddus gyda James Saunders yn canu fersiwn o Suspicious Minds gan Elvis Presley. Bu'r dorf yn gefnogol iawn o'r perfformiad a gobeithio y byddent yn parahau i gynyddu'r defnydd gwreiddiol yn ei set ar gyfer y dyfodol. Y Diwygiad
Ar bapur byddech yn debyg o dybio byddai dau aelod y band yn rhoi delwedd gwag i'r llwyfan. Mewn gwirionedd, roedd perfformiad bywiog a phroffesiynol y gwyr hip hop yn llenwi'r adeilad. Dangosodd Ed Holden (Mr Phormula) ei allu trawiadol i beat -bocsio a gadawyd y dorf yn geg agored ganddo. Serenwyd Nei Karadog (Nine Tonne) fel rapiwr Cymraeg haeddianol. Cynheswyd y neuadd a bu aelodau'r gynulleidfa'n awyddus i symud i flaen y llwyfan, gan hyd yn oed cynnal cystadleuaeth 'dance off' i'w ffrindiau. Wrth ddweud hyn, ni chollodd y gig ei ffocws, wrth i'r Diwygiad gynnal set gyflawn arbennig.
Y peth gwaethaf am y noson
Yn anffodus, bu problemau bach gyda'r system PA trwy gydol y ddau berfformiad. Er hyn enillodd y dyn sain reolaeth dros y system mewn amodau anodd. Nid oedd y broblem yn ddigonol i amharu ar y caneuon.
Achlysur Roc a Rôl
Daeth digwyddiad mwyaf roc a rôl y noson pan daflodd James Saunders gweddill y band oddi ar y llwyfan i ganu ar ben ei hun. Roedd ei hyder yn amlwg trwy gydol ei berfformiad, a chymeradwyaf ei allu.
Beth sy'n aros yn y cof?
Rhaid dweud daeth uchafbwynt y noson wrth i fechgyn lleol redeg i flaen yr ystaell mewn cyffro i wneud 'break dance' tra oedd Mr Phormula yn beat bocsio
Marciau allan o ddeg
7.5
Gwefannau Defnyddiol?
Y Diwygiad
Galeri Gig Y Diwygiad & Anweddus
Sesiwn Y Diwygiad i C2 Nid yw'r BBC yn gyfrifol am wefannau allanol
| |
|
Amserlen C2:
Cysylltiadau, artistiaid, bandiau...