"Rhaid i sgwennwr ffuglen ddweud anwiredd er mwyn dweud y gwir," meddai Gareth Miles.

A hynny wnaeth o meddai yn y nofel ar restr hir Llyfr y Flwyddyn 2008 - dweud y gwir am Ddiwygiad 04-05 trwy gyfrwng stori ffug.

Wrth gael ei holi gan Dei Tomos ar gyfer ei raglen nos Sul dywedodd:

"Mae ffeithiau weithiau yn medru difetha y gwirionedd emosiynol," meddai.

Datgelodd hefyd mai fel drama deledu y cychwynodd y nofel ond na ddaeth honno i fwcwl ac iddo'i hailsgrifennu yn nofel wedyn.

Dywedodd mai ei obaith yw iddo fedru ailgreu rhan o'n hanes "trwy ddweud anwiredd creadigol".

Gareth Miles yn siarad gyda Dei Tomos ar BBC Radio Cymru