| Pan ddaeth yn amser i adeiladu ysgol newydd roedd Cyngor Ynys Môn eisiau defnyddio technoleg gwahanol. Hefyd, gan fod y Cynulliad yn rhoi arian tuag at y fenter, roedd yn rhaid i'r cyngor gynnwys rhai pethau yn y cynllun, e.e. ei gwneud hi'n bosib i'r plant i gerdded i'r ysgol. Allan o'r syniadau a'r gofynion uchod y tyfodd y syniad o greu ysgol werdd.  Nodweddion
Mae'r gwaith adeiladu wedi cychwyn ers mis Tachwedd. Mi fydd nifer o nodweddion blaengar i'w gweld yn yr ysgol orffenedig.
Ar ran o'r to bydd yna baneli solar er mwyn creu trydan tra fydd rhan arall yn 'do gwyrdd' wedi ei wneud o blanhygion sydd yn mynd i ddenu pryfed ac adar a dal dŵr glaw. Bydd tu fewn yr ysgol yn wahanol hefyd. Mi fydd yr adeilad yn fwy agored nag ysgolion traddodiadol, mi fydd yna fwy o olau naturiol ac mi fydd y tymheredd yn cael ei rheoli gan system awyru 'ecolegol'. Y gobaith yw y bydd hyn yn creu hinsawdd dymunol iawn ar gyfer y plant. Ac ar y dyddiau tywyllach hynny pan mae'n rhaid defnyddio'r golau trydan yna bydd pob bwlb un yn yr ysgol yn un ynni effeithlon.  Mae'r syniad o ysgol werdd hyd yn oed yn estyn i amser chwarae. Yn y lle chwarae tu allan bydd yna ganopiau a fydd yn rhoi lloches i'r plant rhag yr haul yn yr haf a rhag y glaw yn y gaeaf.
Rhywbeth a fydd yn dod yn fwy a fwy pwysig yn ôl Gareth Thomas oherwydd fod y byd yn twymo. Mae hyn yn golygu ein bod yn mynd i gael hafau twymach a gaeafau gwlypach. Gobaith Gareth Thomas ydy y bydd yr ysgol hon yn batrwm ar gyfer ysgolion y dyfodol. Gwrandewch ar ddisgyblion Ysgol Y Graig yn holi Maer Llangefni ynghylch yr ysgol werdd. Sut i fod yn fwy gwyrdd - ar wefan Mosgito.
 | 
