Yn debyg i lawer o bethau eraill daeth hyn dros y dŵr ac erbyn hyn mae clytwaith wedi dod yn boblogaidd iawn ym Mhrydain gyda miloedd o ferched yn cymeryd diddordeb ynddo.

Nid gorchudd i wely yn unig ydi cwilt, gellir gwneud eitemau llai, i addurno wal neu fwrdd, clustogau a bagiau.

Un o'r pethau diweddaraf ydy cerdiau post. Mae llawer o wahanol ddulliau gwneuthuriad, gwaith llaw a pheiriant. Gellir dewis gwaith traddodiadol neu gwaith cyfoes iawn. Mae rhywbeth i bawb.

Rydym wedi bod yn cynnal dosbarthiadau clytwaith yn Llangernyw dros ddeg mlynadd. Mae y mwyafrif o'r merched yna ers y cychwyn, gyda hanner ohonynt yn dod o Lansannan.

Maent yn gweithio ar brosiectau unigol, a byddaf yn eu helpu i wneud hyn. Erbyn hyn maent i gyd yn gweithio i safon uchel, ac wedi cynhyrchu llawer o eitemau.

Byddant yn cystadlu yn llwyddiannus mewn cystadlaethau lleol. Ynghyd â dosbarthiadau eraill mi fydd arddangosfa o'u gwaith yn cael ei chynnal yn Llansannan yn y gwanwyn 2008.