Mae'r ffilm yn cynnwys yr actor talentog Colin Farrell fel y prif actor sydd yn gweithio fel cynhyrchydd arno, ac yn mynd i'r bocs ffôn i ffonio'i gariad.

Ar ôl gorffen ar y ffôn, mae'r ffon yn canu eto, mae Colin Farrell, sy'n chwarae rhan Stu yn codi'r ffon ac mewn rhyw lais dwfn yn dweud wrtho:

Isn't it funny, when you hear a phone ring somebody has to answer it.

Mae'r dyn ar ochr arall y ffon yn bygwth Stu i ddweud wrth ei wraig ei fod yn cael perthynas gyda dynes arall. Mae'n bygwth saethu Stu. Ynghanol y ffilm mae yna ddynes eisiau defnyddio'r ffon, ond tydi Stu ddim yn cael rhoi'r ffôn i lawr.

Daw dyn draw i'r bocs ffôn, a thynnu ar Stu, ac mae rhywbeth yn digwydd i Stu ... Bydd yn rhaid i chi wylio'r ffilm i ddarganfod mwy.

Tystysgrif oedran y ffilm yw 15, ac mae'r ffilm yn para ryw awr a chwarter o hyd, ac yn sicr yn werth gwario'r amser yn ei gwylio.

Aled Hughes

Van Helsing

Yn ddiweddar, fe welais i'r ffilm Van Helsing. Ffilm gyffrous ydyw, gan gynhyrchwyr y ffilmiau The Mummy a The Mummy Returns ydi hon.

Mae'n sôn am ddyn o'r enw Van Helsing sy'n mynd i Transylvania i ladd Count Dracula. Ar ei daith, mae'n dod ar draws anghenfil Frankenstein, Warewolf, a lIawer o greaduriaid brawychus eraill.

Hugh Jackman sy'n actio Van Helsing, ac mae un o actorion Lord of the Rings yn y ffilm yma hefyd.

Mae'n ffilm ofnus, cyffrous a thywyll, ond, efallai ychydig yn hirwyntog tua'r diwedd. Nid yw'r sgript na'r stori yn wych, ond mae'r effeithiau arbennig yn gwneud i fyny am hynny. Nid hon yw'r ffilm orau i mi ei gweld erioed, ac nid oedd yr acenion gan yr actorion yn gredadwy iawn ychwaith. Ond, er hynny, roedd digon o ymladd, neidio, ac antur yn y ffilm i'm cadw i'n Sadwrn glawog!

Rhydian Lewis