Ariannwyd hefyd gan Richard Luck ac eraill.

Cysegrwyd gan Arglwydd Esgob Bangor ar Awst 5ed 1864.

Mae yma sgrîn o waith haearn gyrr, rhoddedig gan Col. Platt ym mis Awst 1894 er cof am ei fab a foddodd yn India yn 1893. Ceir gwaith coed hefyd yn seddau teulu Platt a bedyddfan a chlawr addurnedig.

Mae'r organ, adeiladwyd gan William Hill a'i Feibion, yn un o'r rhai gorau yng Ngogledd Cymru.

Ceir nifer o ffenestri lliw yn cynnwys dwy a wnaed yn 1900 ac un yn 1905 gan yr arlunydd gwydr enwog Kempe.

Fe adeiladwyd yr Eil Ogleddol, at yr adeilad gwreiddiol, yn 1874, er cof John Platt.

Yn fwy diweddar cafodd y meindwr ei adfer yn 1969 er cof Y Canon Maldwyn Evans, a fu yn Rheithor y plwyf o 1953 hyd at 1966, ac fe ail gysegrwyd yr eglwys i gynnwys yr ymroddiad hanesyddol Santes Fair ar ôl cau hen eglwys y plwyf yn 1999.

Hefyd bu ail adfer gwaith trydan, peintio ac ail oleuo yr eglwys yn 2004.

Ffenestri lliw yr Eglwys
I'r dde ac i gefn y fedyddfan mae dwy ffenestr gan yr arlunydd gwydr enwog Kempe, un yn portreadu Santes Elizabeth a Santes Anne a'r llall yn portreadu 'Cyflwyno Crist yn y Deml'.

I'r dde o'r allor mae gwaith arall gan Kempe ar y thema Gorchymyn Crist i Pedr, 'Bwydo fy nefaid', rhodd gan wraig John Platt a'i phlant, er cof am Philip Constable Ellis. Mae nod masnachol yr arlunydd i'w weld ar gongl chwith isaf pob ffenest fel ysgub gwenith.

I'r chwith o'r allor mae ffenestr sydd yn portreadu 'Yr Atgyfodiad', rhodd er cof Eleanor Platt.

Mae'r ffenestr ddwyreiniol uwchlaw yr allor, gan Clayton a Bell, yn dehongli y 'Te Deum'. Mae'r ffenestr orllewinol gyda phedair golygfa o fywyd Crist ac yn coffáu adeiladwyr yr eglwys.

Yr Organ
Ar 21ain o Orffennaf 1892, cysegrwyd Cangell newydd, a thalwyd amdani gan danysgrifiad lleol. Ar yr un pryd roedd festri a siambr organ yn cael eu hadeiladu ac yn 1902 cafodd organ William Hill ei ail hadeiladu i greu yr offeryn pedwar llaw presennol a'i symud i'r ochor ogleddol.

Edrychwyd ar yr organ yma fel un o rai gorau gogledd Cymry, ac mae mewn defnydd rheolaidd i ddatganiadau ac yn ddiweddar i gynhyrchu CD (ar werth yng nghefn yr eglwys).

Yn wreiddiol roedd yr organ yn cael eu phweru gan ddŵr, o'r Afon Ddu gerllaw. Nid tan 1936 gosodwyd 'blower' trydan, i sicrhau sain llawn yn ganol haf poeth pan oedd lefel y dŵr yn isel!"

Robert Jones