Cafodd y car ei greu fel car Le Mans i Porsche i gychwyn, wedyn yn y flwyddyn 2000 dechreuodd Porsche droi y car i fewn i gar delfrydol. Mae'n gar andros o gyflym gydag injan v10 sy'n cyrraedd 205 milltir yr awr.

Mae'n wir i ddweud bod y Porsche Carrera GT yn un o'r ceir gorau a chyflymaf ar y ddaear ar hyn o bryd.

Bentley Hunaudières
Ymddangosodd y car pwerus yma am y tro cyntaf yn sioe modur Geneva yn 1999, i syndod y cyhoedd a'r wasg. Yr Hunaudières yw'r car cyntaf i ddangos effaith perchnogaeth Volkswagen ar y cwmni enwog Prydeinig.

I ddweud y gwir, roedd y syniad yn bodoli cyn i VW cymryd drosodd Bentley, ond cafodd y syniad ei dderbyn gan y cadeirydd, Ferdinand Piech, ŵyr i Ferdinand Porsche. Pan oedd yn gweithio i'r cwmni teuluol, creodd y 917, y car a enillodd i Porsche eu ras Le Mans cyntaf yn 1970.

Crëwyd yr Hunaudières gan beirianwyr Prydeinig ac Almaeneg yn ffatri 'prototype' VW yn Wolfsburg. Cymerodd y crëwyr agweddau o'r Lamborghini Diablo. Prynodd VW y cwmni yma yn 1998.

Yng nghalon y coupè mae injan canolig 8 litr, 623 bhp V16, gyda dim llai na 64 falf. Mae'r car yn symud i ffwrdd o confensiwn, ac yn lle 2 rhes o 8 cilindr, mae yna blociau o bedwar wedi eu paru. Mae'r trefniant yma yn gwneud i'r injan fod mor gryno a V8. Mae gerbocs awtomatig 5 cyflymder yn cael ei ddefnyddio.

Mae'r tu mewn yn cynnwys lledr ac alwminiwn sy'n adlais o'r 1920au.

A'r enw anghyffredin? Mae'n dod o'r rhan syth ar y trac Le Mans, lle ennillodd y Bentleys mawr gwyrdd yn 1924 ac yn olynol o 1927 i 1931.

Allai hanes ailadrodd ei hun? Mae'r car wedi ei orffen mewn lliw rasio gwyrdd...