| Lluniau o'r gerddi Mae yma ardd lwyni braf yn y gwanwyn a gardd goed Awstralasaidd gydag isdyfiant o lwyni a blodau gwyllt, yn ogystal â theras haf ac, yn hwyrach yn flwyddyn, gwledd o flodau seithliw (hydrangeas) a lliwiau'r hydref. Mae llwybrau i fynd am dro drwy'r coed sydd hefyd yn cysylltu â llwybr arall ar hyd glannau'r afon Menai ac mae modd archebu tripiau cwch ar y Fenai sy'n cychwyn o'r jeti.
Ceir hefyd gardd rhododendron a theras Eidalaidd yn edrych dros y Fenai. Mae modd trefnu teithiau tywys gyda'r garddwr i grwpiau o fwy na 15 o bobl. Amser agor: Y gerddi ar agor o 1 Ebrill - 1 Tachwedd 2006, dydd Sadwrn i ddydd Mercher, 11am tan 5.30pm.Mynediad: Gan fod y maes parcio 400 llath o'r tŷ, mae gwasanaeth gwennol a bws mini ar gael i'r tŷ a'r gerddi am ddim. Mae'r siop a'r caffi yn hawdd cael atynt gyda'r toiled i'r anabl yn yr hen laeth-dŷ, a gellir darparu ramp i fynd i fyny'r stepiau i'r tŷ. Mae tair cadair olwyn ar gael i'w benthyg (rhaid archebu ymlen llaw) a mynediad llawn i'r llawr gwaelod yn ogystal â seddi drwy'r tŷ a ffeil luniau o'r ystafelloedd ar loriau eraill. Os yw'r gerddi yn ormod ichi eu tramwyo, gallwch ofyn am gludiant. Mae arweinlyfrau Braille a phrint bras wedi eu cynhyrchu.
Lleoliad: Plas Newydd, Llanfairpwll, Ynys Môn, LL61 6DQ.
 | 
