| Daeth y côr o Lanuwchllyn i'r brig yn y rownd derfynol yn Neuadd PJ, Bangor, ar nos Sadwrn, 3 Rhagfyr, 2005. Maent yn ennill y teitl, tlws a £4,000. Fe ddaethon nhw yn fuddugol allan o'r tri chôr a'i gwnaeth hi i'r rownd derfynol wedi wythnosau o gystadlu brwd rhwng 12 o gorau meibion gorau'r wlad.
Y ddau gôr arall yn y rownd derfynol oedd Côr Trelawnyd o Sir y Fflint a Chôr Maelgwn o ardal Conwy.
Cyflwynwyd y noson gan Beti George a Nia Lloyd Jones. Y beirniaid oedd Huw Tregelles Williams, Alun John, Alun Guy ac Alwyn Humphreys.
Mae'r llun yn dangos Eirian Owen, arweinydd Côr Godre'r Aran gyda'r cyflwynydd Beti George.
 | 
