Mae o'n saws poblogaidd, ond beth am ei wneud gyda chynnyrch Cymreig?

Ffriwch bach o nionod, garlleg, menyn a chig moch wedi ei ysmygu o Sir Fôn. Jest cyn bod y rhain yn barod, adiwch hufen a chaws Derimôn, sydd wedi ennill sawl gwobr.

Os yw'r saws yn edrych fel ei fod am cyrdlo rownd yr ochr, tywalltwch gwpaned o ddŵr oer a rhew i mewn i'r cymysgedd - 99.9% o'r amser mi fydd yn achub y saws.

Wrth i'r saws goginio, berwch y pasta a rhowch selsig lleol o dan y gril, yna eu torri fyny a'u gosod ar dop y pryd.

Mae'n bosib gwneud pasta bake hefyd, wrth roi'r cymysgedd mewn dysgl pobi gyda digonedd o gaws ar y top a'i rhoi yn y popty.

Nid yw'n iachus iawn ond mae'n flasus!