Dathlu diwylliannau Er mwyn dathlu'r ffaith bod pobl o ddegau o wahanol genhedloedd yn byw ym Mangor, cynhaliwyd gŵyl aml-ddiwylliant gynta'r ddinas yn Neuadd y Penrhyn ddiwedd mis Hydref 2006.
Maer Bangor, y Cynghorydd Douglas Madge, ydy'r dyn oedd y tu ôl i'r ŵyl aml-ddiwylliant ym Mangor. Cafodd ei eni yn India, lle dysgodd Saesneg fel iaith gyntaf. Daeth i Brydain i ymuno â'r Llynges ond gorfu iddo adael y fyddin yn ystod rhyfel Korea oherwydd anaf a daeth i Fangor i astudio - ac mae wedi byw yma ers hynny.
Ni chafodd unrhyw anhawster i deimlo'n gartrefol yma a dyna pam y trefnodd yr ŵyl aml-ddiwylliant er mwyn i'r 76 o genhedloedd gwahanol sy'n setlo yn y ddinas i deimlo'n rhan o'r ddinas.
Yn y pendraw, mae'n gobeithio y bydd yr ŵyl yn datblygu'n garnifal blynyddol.
