 | | Barddoniaeth a llechi yn Llanberis
Bu plant o ysgolion cynradd lleol yn dysgu am hanes y diwydiant llechi yng ngogledd Cymru ac ymarfer eu sgiliau 'sgwennu yn ystod Wythnos Barddoniaeth yn Amgueddfa Lechi Llanberis. | | |
| Edrychwch ar luniau o ymweliad dwy o'r ysgolion - Ysgol Pencarnisiog, Ynys Môn, ac Ysgol Dolbadarn, Llanberis - a darllenwch y cerddi a gyfansoddodd y plant gyda help y beirdd Iwan Llwyd, Gwyneth Glyn, Meirion McIntyre Huws a Myrddin ap Dafydd.
| | | |
| 
|
Plant Ysgol Gynradd Pencarnisiog a fu'n barddoni gyda chymorth Iwan Llwyd a Gwyneth Glyn. Enw'r gerdd wnaethon nhw ei chreu oedd Y Streic.
|  |
123456789 | |
Y Streic
Mae'n beryg rhwng Padarn a Pheris,
mae'n aeaf y Gilfach Ddu,
Mae'r hogia'n cwyno'n y caban
a'r gegin yn wag yn y ty:
"Mae'n bryd i ni roi'n harfau i lawr,
a herio'r mistar yn y plasdy mawr!"Ffarwél i'r llwch ac i'r llechi,
ffarwél i'r hen gyllell fach,
Ffarwél i'r ffowndri a'r efail
a'r holl beiriannau a'u strach -
"Mae'n hundeb ni yn ddigon cry',
ac ni fydd bradwr yn y ty!" Ond mae'n gafael ym Mhencarnisiog
a'r un geiniog ym mhoced y gwr,
mae'n llusgo yn ôl am y chwarel
cyn bod rhwd ar yr olwyn ddwr:
"rhyw ddydd cawn wared ar dy lwch
a rhydd fydd cân yr hen afon Hwch!" Bl. 3, 4, 5, a 6, Ysgol Pencarnisiog gyda Gwyneth Glyn ac Iwan Llwyd Amgueddfa Lechi Cymru, Llanberis, 10 Mawrth 2005 | |
|
|
