Pryd wnaethoch chi ddechrau cystadlu?
Tua deng mlynedd yn ôl dwi'n meddwl.

Ym mha faes ydych chi'n arbenigo?
Rydyn ni'n ffermio dipyn o bob dim, ond moch gwynion pur 'da ni'n eu dangos yn Sioe Môn. Rydyn ni hefyd yn dangos moch du a gwyn - y 'Sadleback'.

Beth ydy uchafbwynt eich cystadlu hyd yma?
Ennill y pencampwriaeth moch y llynedd.

Oes unrhyw beth wedi mynd o'i le erioed?
Mae hi wedi bod yn reit dda a dweud y gwir. Mae moch yn anifeiliaid digon tawel, a mae pawb sy'n cystadlu yn helpu ei gilydd.

Fyddech chi'n argymell eraill i gymryd rhan?
Mi faswn i'n argymell rywun i gymryd rhan i gadw ochr amaethyddol y sioe yn fyw ac yn iach.

Beth ydy'r peth gorau am y sioe?
Dwi wrth fy modd yn gweld yr anifeiliaid i gyd. Dwi'n teimlo mewn ffordd bod rhywbeth i bawb yn Sioe Môn - does dim ots beth ydych chi'n ei wneud, yn amaethyddol neu beidio, mae digon at ddant pawb.