Mae'r canlyniadau manwl yn cael eu dadansoddi a'u casglu, ond mae'n glir bod y plant wedi derbyn y fwydlen; mae ymddygiad wedi gwella a gwerthiant prydau ysgol wedi cynyddu yn arwyddocaol.

O ganlyniad i'r llwyddiant yn Ysgol Deganwy, mae staff Arlwyo Conwy wedi gweithio gydag ysgolion, dietwyr, darparwyr a dosbarthwyr i ganfod cynnyrch a chynhwysion sy'n rhydd o liwiau a blas artiffisial yr amheuir eu bod yn cyfrannu i ymddygiad bywiog a rhai alergeddau.

Dywedodd Carol Davies, rheolwr arlwyo Conwy: "Cawsom ein hannog gan ymateb cadarnhaol cynhyrchwyr mawr sydd wedi bod yn barod i addasu ac adolygu cynhwysion a rysáit i gyfarfod ein hanghenion.

"Bu'n bosibl creu bwydlen i 5,000 o ddisgyblion sy'n bresennol yn cymryd pryd sy'n cydymffurfio â Chanllawiau Maeth Cenedlaethol; y gellir ei baratoi o fewn targedau ariannol pendant ac yn fwy na dim yn apelio at blant. Gwnaeth cogyddion ysgol a staff cegin ymdrech fawr i sicrhau llwyddiant y lansiad trwy ysgolion y sir."

Oherwydd llwyddiant y cynllun gobeithir y bydd cynhyrchwyr bwyd yn cydnabod mantais lleihau ymhellach neu gael gwared o liwiau neu ychwanegion diangen yn eu dulliau cynhyrchu ac yn parhau i wella ac ymestyn caffaelrwydd bwyd naturiol iach.

Cyngor Conwy