Enillodd y Dr Jason Walford Davies, sy'n ddarlithydd yn Adran y Gymraeg, Bangor, y wobr ym mhrif seremoni ddydd Llun am bryddest i gofio streic y glöwyr.

Dywedodd fod y cerddi am streic 1984 hefyd yn farwnad a theyrnged i'w daid Brinley Powell o Bontyberem a oedd yn golier yng nglofa Pwll Mawr.

Meddai: "Bu'n ysbrydoliaeth i mi ac ef yw arwr y gerdd. Mae hi'n farwnad ac yn gerdd o fawl iddo."

"Yr oedd fy nhad-cu yn gefnogol iawn i'r streic ond mae'r gerdd yn sôn hefyd am gamgymeriadau'r streic a'r Blaid Lafur wedi colli'r egwyddor o'r math hwn o weithredu," ychwanegodd.