"'Da ni'n derbyn plant sydd yn abl iawn a rhai gydag anableddau - ond mae nhw'n gymaint rhan o'r grŵp a does neb yn sylwi.

Jonsi yn holi Delyth Lloyd Williams ar Radio Cymru

"Mae'r grwp wedi datblygu. Dyma ni'n cychwyn gyda chwech o blant ac mae 35 o blant erbyn hyn - ond doedda' ni erioed wedi bwriadu mynd yn fawr.

"Oherwydd mae gynno ni gymaint o groesdoriad o blant, mae nhw angen sylw.

"'Dwi hefyd yn ymwybodolbod grwpiau lleol fel Glanaethwy ac Anna Baker yn cyfrannu at grwpiau mawr a does dim gofyn i ni fynd yn fawr.

"A dweud y gwir mae gennym restr aros.

"'Da ni'n galw ein hunain yn grŵp cymunedol oherwydd 'da ni'n ceisio rhoi rhywbeth yn ôl.

"'Da ni 'di bod mewn cartrefi hen bobl ac mae'r plant wedi bod yn helpu mewn partïon i blant anabl yng Nghanolfan Deiniol ym Mangor.

"'Dwi'n teimlo eu bod i gyd yn cael lles wrth wneud hyn.

"'Da ni ddim yn cymryd plant o dan saith fel bod gynno ni grŵp sy'n gwneud hefo'i gilydd.

"Y syniad oedd eu bod yn gorffen am ddeunaw, ond maent yn gwrthod mynd ac yn aros hefo ni.

"Mi fydd yr aelod hynaf yn ugain ym mis Ionawr a troi'n athrawes fydd hi wrth i'r amser fynd yn ei flaen.

"Mae'r criw wedi bod yn ymarfer ar gyfer sioe Queen - 'We Will Rock You' yn Theatr Gwynedd.

"Dyw rhai ohonynt erioed wedi canu a dawnsio o'r blaen ac wedi meistroli.Mae yna hwyl mawr i'w gael.

"'Ry' ni 'di cael e-bost gan Brian May o Queen yn dymuno'n dda i ni."