Beth am y sgilfyrddio?

Cai Hughes: Mae barnwyr y sgilfyrddio yn edrych am yr un efo'r dechneg orau. Gellid cael sgôr uchel am lanio ar ochr arall yr ôl siâp 'v' a welwch yn y dŵr y tu ôl i'r cwch. Hefyd, mae glanio'n ddall - hynny yw, gyda'r rhaff y tu ôl i chi - yn beth anodd iawn i'w wneud hefyd.

Ydy Pwllheli yn lle da ar gyfer sgilfyrddio?

Matt Crowhurst: Mae o wastad yn balans rhwng dewis y lleoliad gorau ar gyfer y rhai sy'n gwylio a dŵr da i'r sgilfyrddwyr. Mae Pwllheli yn wych gan fod y llwybr ger y môr mor hir â chwrs y cychod wrth iddynt dynnu'r sgilfyrddwyr i fyny ac i lawr y bae, felly mi gewch olygfa wych o'r cystadlu.

Unrhyw gyngor ar gyfer rhai sydd heb fod i Wakestock o'r blaen?

Huw Stephens: Ewch i weld bandiau nad ydych wedi clywed am i brofi rhywbeth newydd. Y bandiau sy' mlaen yng nghynt yn y diwrnod yw sêr y dyfodol, felly ewch i'w cefnogi.

Cymerwch sylw i'r rhaglen fel nad ydych yn colli dim.

Cai Hughes: Yn ôl criw o fy ffrindiau, mae'n syniad cerdded i ffwrdd i'r dde, o amgylch y marina ym Mhwllheli, ac eistedd ar y glaswellt i weld y sgilfyrddio. Mae yna llai o wylwyr yna a chewch olygfa wych o'r cystadlu.

Mae yna digon o fysiau yn mynd o brif faes yr ŵyl i'r sgilfyrddio, felly peidiwch â cholli allan ar elfen yma o wakestock - mae'n wych.

Matt Crowhurst: Mae'n werth dod i lawr i'r traeth i fwynhau'r sgilfyrddio. Ond os nad ydych am adael y maes, dewch i weld y sgilfyrddio mewn dau bwll enfawr yna. Bydd y reidwyr yn cael eu tynnu trwy'r dŵr gan fraich fecanyddol enfawr - mae'n wych i wylio!

Beth ydych yn edrych 'mlaen am fwyaf?

Huw Stephens: Mae'r Mystery Jets a Funeral for a Friend yn wych yn fyw. Bydd yn dda gweld Duffy yn chwarae ger Nefyn hefyd.

Cai Hughes: Pan roeddwn yn Florida, clywais fod sawl sgilfyrddiwr enwog am ddod draw i Wakestock eleni, felly mi fydd y cystadlu yn dda iawn.

Matt Crowhurst: Un sgilfyrddiwr i gadw llygad allan am eleni yw Ciryl Cornaro o'r Swistir. Mae o'n dalent enfawr.

Lynsey Doel: Gwneud lot o arian! Mae'r ffaith ei fod yn ŵyl tri diwrnod eleni yn dda iawn i ni gan ei bod yn fach o siwrne i gyrraedd Pen Llŷn. Mae gen i hefyd teimlad da am y tywydd eleni...

Ydy o'n addas ar gyfer plant?

Lynsey Doel: Nid yw'r maes yn addas, na.

Cai Hughes: Mae gwylio'r sgilfyrddio yn hŵyl i bawb. Os yw'r plant yn hoffi'r sgilfyrddio, mae croeso iddynt gael blas arno tra'n eithaf ifanc. Gan fod plant mor ysgafn, mae'n bosib iddynt brofi sgilfyrddio heb fynd yn gyflym o gwbl. Ddaru lawer o'r rhai proffesiynol cychwyn yn ifanc, fel Shane Bonifay, a gychwynnodd pan roedd yn bump!