Cefndir
Sefydlwyd Eisteddfod Gadeiriol Llanddeusant gan bobl ifanc y pentref yn 1948. Roedd hi wastad wedi bod yn eisteddfod boblogaidd iawn, a chyn bo hir tyfodd yn rhy fawr i neuadd y pentref. Cafodd felly ei chynnal mewn pabell arbennig ar gae Mill View, gan sicrhau bod digon o le i'r holl gorau, partïon a chynulleidfa.

Hyd yn ddiweddar, cynhaliwyd yr eisteddfod yma ym mis Gorffennaf, ac felly byddai nifer yn ei defnyddio fel ymarferiad i'r Eisteddfod Genedlaethol. O achos hynny, aeth nifer o enillwyr Llanddeusant ymlaen i ennill y Rhuban Glas, ac mae'r eisteddfod wedi bod yn feithrinfa i enwogion fel Bryn Terfel, John Eifion a Gwyn Huws Jones.

Byddai'r gadair fel arfer yn cael ei chreu gan y saer lleol, Huw Edwards, ac ymysg y beirdd buddugol y mae'r Prifardd Iwan Llwyd.

Erbyn hyn, oherwydd costau, mae'r eisteddfod wedi dychwelyd i neuadd y pentref. Ond mae'n parhau i fod yn un poblogaidd a llwyddiannus.