Mae Gŵyl Rhuthun yn ŵyl gerdd flynyddol a bery am wythnos yn ystod misoedd yr haf.

Wedi ei sefydlu yn 1994 mewn cydweithrediad â Phwyllgor Gefeillio y dref, daeth yn fuan iawn yn ddigwyddiad blynyddol poblogaidd sydd yn apelio at bobl o bob oed ac at ddant pawb.

Uchafbwynt yr ŵyl oedd 6 awr o adloniant am ddim ar sgwâr hynafol y dref, oedd ar gau i draffig am y diwrnod.

Mae hwn yn achlysur cymdeithasol y gall bawb ei fwynhau gyda llawer o fandiau a grwpiau dawns gwahanol yn rhoi amrywiaeth o adloniant.

Parhaodd ysbryd yr ŵyl yn hwyr i'r nos gyda bandiau yn perfformio fin nos yn y tafarnau a gwestai lleol.

Ymhlith yr artistiaid yr oedd disgwyl iddyn nhw gymryd rhan oedd: cyn delynores Tywysog Cymru, Catrin Finch; y bianyddes, Teleri-Sîan, y grŵp dawns a chân o Zimbabwe, Black Umfolosi; y grwp gwerin Cymreig, Y Moniars; y sacsaffonydd jazz, Alan Skidmore, a Dr Jazz.

Cynhaliwyd y perfformiadau mewn gwahanol leoliadau, gan gynnwys: Clwb Rygbi Rhuthun; Theatr John Ambrose; y Manorhaus; Castell Rhuthun; Awelon; Y Venue; Neuadd y Farchnad ac Eglwys San Pedr.

Ceir rhagor o fanylion ar safle'r ŵyl yma.