Dei Morris

Beth oeddech chi'n ei wneud yn y sioe eleni?
Cystadlu yn yr adran colomenod.

Beth oedd eich hoff beth yn y sioe eleni?
Ennill y cil wobr yn yr adran, hefyd y ciw ffansi gorau 2008.

Pa fwyd wnaethoch chi fwynhau bwyta?
Pei cig eidion.

Beth fyddech chi'n ei ddweud i annog pobl i ddod i'r sioe yn y dyfodol?
Mae'r sioe fel ffenestr siop i lawer o fridwyr. Lle da i gychwyn plant ifainc hefo adar.

Beth yw eich hoff atgof o unrhyw flwyddyn o'r sioe?
Ennill y cil wobr dwy waith.

Gwen Smith

Beth oeddech chi'n ei wneud yn y sioe eleni?
Gweithio ym mhabell Merched y Wawr. Fi 'di Llywydd y pwyllgor arbenning ar gyfer pabell y sioe. 'Dan ni'n gwerthu bwyd a darparu lluniaeth. Mae 'na stondinau efo nwyddau Merched y Wawr a 'dan ni'n arddangos cynnyrch cystadlaethau Merched y Wawr.

Beth oedd eich hoff beth yn y sioe eleni?
Gweld y trefniadau blodau.

Pa fwyd wnaethoch chi fwynhau bwyta?
Bara brith.

Beth fyddech chi'n ei ddweud i annog pobl i ddod i'r sioe yn y dyfodol?
Mae yna amrywiaeth o bethau i weld yma, gan gynnwys llawer o anifeiliaid. Mae'n dda gweld pethau o fywyd cefn gwlad ac hefyd mae'n le i gyfarfod pobl. Mae'n le cymdeithasol.

Beth yw eich hoff atgof o unrhyw flwyddyn o'r sioe?
Unrhyw flwyddyn 'dan ni 'di cael tywydd da!

Geraint Jones

Beth oeddech chi'n ei wneud yn y sioe eleni?
Dangos defaid 'charollais' ac ennill cyntaf efo oen gwryw.

Beth oedd eich hoff beth yn y sioe eleni?
Ennill cyntaf!

Pa fwyd wnaethoch chi fwynhau bwyta?
Brechdanau wŷ Mam!

Beth fyddech chi'n ei ddweud i annog pobl i ddod i'r sioe yn y dyfodol?
Os 'dach chi'n dangos a ddim yn ennill 'dyw hi ddim o bwys. Dylech chi dal i ddangos beth bynnag sy'n digwydd. Dal i drio. I bobl sydd ddim yn dangos mae'n gyfle i weld y cynnyrch lleol a'r stoc fydd yn mynd ar y bwrdd!

Beth yw eich hoff atgof o unrhyw flwyddyn o'r sioe?
Ennill yr 'interbreed' efo defaid Beulah yn 2008.