Ond parodd y dathliadau fwy na diwrnod ac fe gychwynnodd yr agoriad swyddogol hwn wythnos gyfan o weithgareddau i bobl o bob oed a diddordeb.

Mwynhaodd carwyr llenyddiaeth ddau ddigwyddiad ar ddydd Mercher 24ain Mawrth lle cafodd y gynulleidfa wledd o ddarlleniadau o'u llyfrau gan awduron sy'n ysgrifennu yn y Gymraeg a'r Saesneg, a hefyd o ddarnau a ysgrifennwyd ganddynt am Wrecsam a'r llyfrgell yn arbennig ar gyfer yr achlysur.

Roedd un o'r awduron, Holly Howitt (awdur Dinner Time and The Schoolboy a ganmolwyd gan y beirniaid) yn llawn edmygedd o'r llyfrgell a'r achlysur, ac meddai: 'Diolch am yr achlysur a drefnwyd gennych ddydd Mercher. Cefais amser bendigedig.

llwyddiannus ac yn dal i gael ymwelwyr fel y cafodd eisoes. '

Cynhaliwyd Diwrnod Plant Pwysig ar 24ain Mawrth ac roedd yn llwyddiant ysgubol.

Cynhaliodd Llyfrgellwyr Blynyddoedd Cynnar Wrecsam ddwy sesiwn drwy gydol y dydd, yn gwahodd plant sy'n mynychu eu sesiynau rheolaidd yn ardaloedd rhoi cymunedau'n gyntaf, plant Cyfnod Allweddol 1, a phlant dan 5 a'u teuluoedd.

Mwynhaodd y plant ddiwrnod gwych, gyda chyfnodau stori a rhigwm, Play-doh a chrefftau.

Trefnodd Llyfrgellydd y Plant sesiynau adrodd straeon hefyd ar gyfer plant Cyfnod Allweddol 2 a daeth 150 o ddisgyblion i fwynhau storiâu, cylchdeithiau o'r llyfrgell a sesiwn flasu ar gyfleuster diweddaraf y llyfrgell, BFI Mediatheque.

'Diwrnod Hysbysrwydd' oedd 25ain Mawrth a galwodd y cyhoedd heibio'r llyfrgell i ddysgu am ymchwilio hanes eu teuluoedd, ac elfennau cyfrifiadura a defnyddio'r Rhyngrwyd.

Mae'r llyfrgell yn cynnig cyrsiau fel y rhain drwy gydol y flwyddyn.