Hyd yn oed cyn cystadlu ddydd Gwener mae gan barti cerdd dant Perlais ddigon i'w ddathlu yn Eisteddfod Genedlaethol Y Bala.

Ddydd Llun derbyniwyd chwe aelod o'r côr yn aelodau newydd o'r Orsedd i gyd gyda'i gilydd - yn cael eu derbyn ar sail eu graddau Prifysgol.

Yn dathlu yn y llun gyda Beti Puw Richards eu harweinydd mae; Angharad Ellis, Ffion Bryn, Lona Meleri, Catrin Gwynfor, Nia Hughes ac Awel Bryn, chwaer Ffion.

Dywedodd Beti bod ugain o aelodau yn y côr a sefydlwyd ddwy flynedd yn ôl yn ardal y Bala. Mae rhai o'r aelodau eraill yn yr Orsedd yn barod.

Byddant yn cystadlu ddydd Gwener ar y gystadleuaeth i bartïon heb fod dros ugain mewn nifer - cystadleuaeth y daethent yn drydydd ynddi yn Yr Wyddgrug ddwy flynedd yn ôl.