| | |
| | |
| MAWRTH 18fed Tachwedd 2014 Hygyrchedd Geiriau Yn Unig |  |
Ennill llun Cae'r Gors Un o'r teulu wedi peintio llun cartref Dr Kate  Geraint Roberts o Bengwern, Cwmffrwd, Caerfyrddin, a enillodd brint o lun o hen gartref Kate Roberts a gafodd ei rafflo i godi arian at Gronfa Cae’r Gors ar faes yr Eisteddfod.Gwnaed y llun gan William Selwyn, un o arlunwyr amlycaf Cymru, yn arbennig ar gyfer codi arian tuag at adfer yr adeilad a fu’n gartref i Kate Roberts. "Yr oedd yn falch o wneud hynny gan ei fod o deulu Kate Roberts," meddai Marian Elias o Gyfeillion Cae’r Gors.  "Yr oedd gan daid Brynffynnon Kate Roberts chwaer o’r enw Malan ac yr oedd hi yn hen nain i William Selwyn," eglurodd.Bydd y llun gwreiddiol yn cael ei gadw i’w arddangos gan y Cyfeillion ond y mae printiau wedi eu rhifo yn cael eu gwerthu am £150. Un o’r rheini a enillwyd gan Geraint Roberts ar faes y Brifwyl yn Ninbych. Y mae William Selwyn yn arlunydd sy’n adnabyddus y tu allan i Gymru ers iddo ennill Gwobr Singer a Friedlander dan nawdd y Sunday Times yn 1998. Yn Ebrill 2001 dewiswyd ef yn Arlunydd y Flwyddyn mewn cystadleuaeth gan Neuadd Dewi Sant, Caerdydd. Y llynedd dangoswyd ei waith yn Oriel Thackeray, Llundain. Trefnodd yr un Oriel arddangosfa o’i waith ochr yn ochr a pheintiadau Kyffin Williams.  Fel athro, ar gychwyn ei yrfa, yr oedd yn ddigwyddiad cyffredin i’r disgyblion dan ei ofal yn Ysgol Maesincla, Caernarfon, gyrraedd y brig mewn cystadlaethau arlunio y naill ochr a’r llall i Glawdd Offa.Y mae’n dal i fyw yn yr un stryd yng Nghaernarfon ac y ganwyd ef ynddi. Gellir cael gwybodaeth ynglyn â phrynu’r llun o Swyddfa Cyfeillion Cae’r gors, Gorwelion, Cae Bryn, Y Groeslon. LL54 7SU. 01286 831466
| |
 © MMI |
|
| About the BBC | Help | Terms of Use | Privacy & Cookies Policy |
