Eisteddfod Genedlaethol Sir Ddinbych a'r Cyffuniau Awst 4

Home

Explore the BBC

MAWRTH
18fed Tachwedd 2014
Hygyrchedd
Geiriau Yn Unig


	A-Y \| Chwilota

	Newyddion Chwaraeon Y Tywydd



	BBC Homepage Cymru'r Byd Cymru'r Byd

»	Dinbych 2001 Straeon Adolygiadau Newyddion Lluniau Gwledd yn Ninbych Y lle i fod Canrif o Brifwyl Y Sîn Roc Llais Llên Amserlen teledu Amserlen radio E-gardiau Arolwg 2001 Gwybodaeth Ymateb

Llenor trist nad yw'n ddyn trist. . .

Cystadlu er mwyn dod o hyd i'w safon!

Yr un nofel ag a ddaeth yn ail yn Llanelli y llynedd a enillodd y Fedal Lenyddiaeth yn Ninbych eleni.

Dywedodd Elfyn Pritchard iddo addasu’r nofel a dderbyniodd gymaint o ganmoliaeth y llynedd ar gyfer y gystadleuaeth eleni - a oedd yn galw am ddarn o ryddiaith ar y thema, Lleisiau.

"Mewn gwirionedd rwy’n credu fod y gwaith yn fwy addas ar gyfer y testun eleni gan imi orfod ei ffugio y llynedd i ffitio'r testun," meddai.

Tad yn colli ei ferch
Stori ddwys ac ysgytwol am dad yn ceisio dygymod â marwolaeth ei ferch yw testun y nofel a wobrwywyd ac sydd yn awr ar werth.

Ac wedi’r seremoni cyfaddefodd Elfyn Pritchard sy’n awdur profiadol ei fod yn dueddol o ddewis pynciau dwys a thrist oherwydd "eu bod nhw’n haws na sgrifennu yn ysgafn".

Meddai: "Dydi y seici Cymraeg ddim yn gweddu i sgrifennu ysgafn - dydan ni ddim yn cael lot ohono fo," ychwanegodd gan gyfeirio at y nifer brin iawn o sgrifenwyr ysgafn Cymraeg sydd yna.

"Ac ella mod i’n hoffi pethau trist," ychwanegodd, "ond dydw i ddim yn berson trist."

Darganfod ei safon
Yr oedd hon yn wythnos dda i deulu Elfyn gyda’i ferch, Gwenan, eisoes wedi dod yn ail yng nghystadleuaeth y ddrama fer - cystadleuaeth y bu ei briod, Nansi, yn fuddugol arni y llynedd!

Dywedodd mai awydd i ddarganfod beth yn union yw ei safon fel sgrifennwr a barodd iddo gystadlu am y fedal er ei fod yn awdur hynod brofiadol sydd wedi hen ennill ei blwyf fel sgrifennwr Cymraeg .

"Roeddwn yn teimlo y dylwn i fod yn darganfod be ydi fy safon. Yr ydw i’n teimlo imi fod yn sgwennu gydol fy oes ond heb wybod yn iawn beth yw fy safon," meddai.

"Pan yw rhywun yn sgwennu ei hun y mae’n anodd iawn bod yn wrthrychol ond trwy gystadlu yr ydych yn cael barn wrthrychol gan rai nad ydynt yn eich adnabod a’r rheini yn feirniaid yr ydych chi yn eu parchu."

Yn awr iddo gael sêl bendith y beirniaid dywedodd na fydd yn cystadlu am y fedal eto.

"Beth pe buaswn i’n colli y tro nesaf," meddai gan wenu.

Mwy am y gystadleuaeth a'r llenor buddugol ar ein gwasanaeth newyddion

Straeon Eisteddfod 2001: