Yr artistiaid
Cyngerdd teyrnged i Dewi Pws ydoedd felly yn ogystal a'r dyn ei hun, roedd Edward H Dafis, Y Tebot Piws, Bryn Fôn, Huw Chiswell, Linda Griffiths, Heather Jones, Sioned Mair, Emyr Wyn a phlant ysgol yn ran o'r gyngerdd.

Awyrgylch
Y pafilwn yn llawn chwerthin a chanu - yn amlwg bod pawb yn mwynhau yr hen glasuron.

Trac y noson
"Ma' Lleucu wedi marw ond mae'r blodau dal yn fyw." Huw Chiswell a Linda Griffiths oedd yn canu - deuawd wefreiddiol.

Disgrifiad o'r perfformiadau
Roedd pob perfformiad yn llawn egni a brwdfrydedd. Yr artistiaid i gyd yn canu caneuon wedi eu hysgrifennu gan Dewi Pws i gyfeiliant band ardderchog. Grêt oedd gweld Y Tebot Piws ac Edward H yn canu unwaith eto - byddai'n wych cael mwy o gyngerddau ganddyn nhw!!

Uchafbwynt y noson
Yr holl artistiaid a'r band yn ymuno i ganu "Dewch at eich gilydd."

Beth sy'n aros yn y cof
Emyr Wyn yn dod i'r llwyfan fel Rhisiart rhwng y caneuon - llawer o chwerthin ac ymateb y gynulleidfa yn wych iddo.

Marciau allan o ddeg
10/10

Un gair am y gyngerdd
Mawreddog!

Adolygiad gan Angharad Lewis.

Anfonwyd yr erthygl hon atom fel rhan o gynllun cyfrannu ar y cyd rhwng BBC Cymru'r Byd ac Antur Teifi. Am fwy o fanylion ac i wybod sut fedrwch chi ennill £30 am ysgrifennu - cliciwch yma.