Gofynnais i Daffy ymuno â ni hefyd i chwarae'r drymiau a dyna sut daeth y band "Naked Threat" at ei gilydd.

Am dipyn roedden ni yn ymarfer yn Ngwesty'r Pengelli yn Nhreorci, ac yn y cyfamser mwynhaodd y band chwarae mewn tafarnau lleol. Hefyd cawson ni y cyfle i chwarae yn y Ffatri Bop mewn noson 'Teen Spirit' yn chwarae covers caneuon bandiau fel Stereophonics, Green Day a Feeder. Rydyn ni hefyd yn ysgrifennu caneuon ein hunain ond doedd dim cymaint ohonyn nhw gyda ni ar y pryd felly doedden ni ddim yn defnyddio nhw gymaint â'r covers.

Wedi i Chris adael y band, gofynnon ni i Aeddan ymuno â'r band yn chwarae'r gitâr bâs. Ar ôl i Aeddan ymuno â ni wnaethon ni gystadlu ym Mrwydr y Bandiau a dyna pryd benderfynon ni ar yr enw Anweddus!

Ar hyn o bryd, rydym yn dal i chwarae gigiau lleol gyda chefnogaeth Menter Iaith Rhondda Cynon Taf a CIC (Cynllun Ieuenctid y Cymoedd) ac rydym yn ymarfer yn neuadd yr ysgol (Ysgol y Cymer) yn lle Gwesty'r Pengelli. Trwy weithio mor agos â CIC cawson ni gyfle i wneud set fyw a chwarae gig yng nghlwb y Bont ym Mhontypridd yn ystod gig CIC ar noson Ieuenctid Parti Ponty.

Hefyd cawsom y cyfle i chwarae ar brif lwyfan Parti Ponty yn y Parc ar y dydd Sadwrn, a dyna ble wnaeth un o'r dynion ofyn i ni wneud sesiwn fyw ar GTFM ym Mhrifysgol Morgannwg (gorsaf radio leol sy'n darlledu yn achlysurol yn ardal Pontypridd.)

Perfformio gig ar Radio GTFM
Arhoson ni am y cyfle am sbel fach oherwydd doedden ni ddim yn gallu penderfynu ar dyddiad i chwarae yn y stiwdio - ond o'r diwedd daethom ni at ein gilydd i chwarae yno. Roedd problem fach wedi codi oherwydd roedd Aeddan methu cyrraedd y gig, felly roedd rhaid chwarae gyda dim ond tri pherson sef, James Saunders- gitâr a llais, Huw Bolderson- gitâr bâs a Dafydd Boyle - drymiau. (Fel arfer mae Aeddan ar gitâr bâs a Huw ar gitâr trydan.) Gofynnon nhw gwpwl o gwestiynau yn y stiwdio am y band, fel sut daethom at ein gilydd, habits gwaethaf a pha fath o straeon doniol sydd gennym fel band.

Ar y noson roedden ni tipyn bach yn hwyr oherwydd wnaethon ni anghofio cwpwl o bethau! Roedd yn rhaid nôl symbals, hefyd wnaethon ni anghofio'r pedal am y drwm bas! Yn y diwedd roedd yn rhaid defnyddio bocs a rhoi mic o dan ac roedd yn rhaid i Daffy gicio'r bocs er mwyn i ni gael pedal am y drymiau! Doedd dim problemau technegol ar y noson heblaw am un gân, wnaethon ni chwarae "The Bartender and the Thief" gan Stereophonics, a wnaeth gwifren y gitâr bâs gael ei thynnu allan o'r amp ar ddamwain ac am hanner y gân roedd dim ond y gitâr trydan yn chwarae! Yn ddoniol iawn ar y pryd!

Roedden ni yn teimlo yn eithaf hapus am y noson, roedd y profiad o chwarae yn fyw ar y radio yn wych! Rydyn ni wir eisiau gwneud e 'to. Roedd popeth yn mynd yn wael ar ddechrau'r noson, ond wnaeth popeth weithio allan yn y diwedd, ac wrth edrych yn ôl ar y noson y bore wedyn roeddwn i'n hapus iawn gyda'n perfformiad. Byddaf wir yn hoffi cael y cyfle eto.

Bydd y band yn cario ymlaen nes i ni redeg allan o bethau i ganu, ond ni fydd hyn yn digwydd oherwydd rydym yn bwriadu parhau i ysgrifennu caneuon ein hunain!

Mae'n eithaf caled i gael y band at ei gilydd adeg yma yn ein bywydau oherwydd mae Daffy yn y Brifysgol ac mae Huw yn brysur yn astudio tuag at ei Lefel A yn yr ysgol, fel fi, a hefyd rydw i yn byw yn eithaf pell i fwrdd ym Mhorthcawl!

Diolch yn fawr am eich holl cefnogaeth!

Gwrandewch ac edrychwch allan amdanom ni ar wefan CIC a Menter Iaith am gigiau sy'n dod i fyny!

Gan: James Saunders

Darparwyd yr erthygl hon i wefan Lleol fel rhan o gynllun Cyfrannu ar y cyd rhwng BBC Cymru'r Byd ac Antur Teifi. Am fwy o fanylion sut fedrwch chi gael £30 am ysgrifennu - cliciwch yma.