Beth yw 'Yma i Chi'?
Mae BBC Cymru wedi bod yn cynnal ymgyrch o'r enw Yma i Chi! Rydym wedi bod i Ddinbych, Butetown, Caerfyrddin, Aberdâr, Ynys Môn a Hwlffordd, ac yn ystod mis Hydref byddwn yng Nghasnewydd. Gyda chymorth pobl leol, rydym wedi bod yn trefnu nifer o weithgareddau a sioeau fydd yn cael eu cynnal mewn lleoliadau yn ardal Casnewydd. Dyma rai o'r digwyddiadau sy'n digwydd yn fuan:

Dydd Llun, 9 Hydref
Hywel a Nia - BBC Radio Cymru
Pentref Chwaraeon Rhyngwladol Casnewydd
10.30am - 12.10pm
Yng nghanol bwrlwm ifanc y ddinas, bydd Hywel Gwynfryn, Nia Roberts a'u gwesteion yn darlledu'n fyw o'r Pentref Chwaraeon ar Radio Cymru.

Bws BBC Cymru yng Nghasnewydd
10 Hydref: Canolfan Mileniwm Pillgwenlly 10am - 3pm
11 Hydref: Canolfan Gymunedol Maesglas 10am - 3pm
12 Hydref: Canolfan Hamdden i Underwood 10am - 3pm
Dewch i ddysgu mwy am y BBC ac i ddweud wrthym beth yw'ch barn chi am Gasnewydd. Yn ogystal rydym yn chwilio am luniau o'r ardal fel rhan o'n prosiect Ddoe a Heddiw - dewch ag un llun o'r gorffennol ac un o'r presennol.

Nos Fawrth 24 Hydref
Radio Wales Sportstime
BarAmber, Clwb Pêl-droed Casnewydd
7-9pm
Dyma'ch cyfle i leisio'ch barn am fyd y campau - ymunwch â ni ar gyfer fforwm chwaraeon Radio Wales. Bydd ein panel o arbenigwyr, gyda Rob Phillips yn cadeirio, am glywed eich cwestiynau - dewch draw!

Nos Wener 27 Hydref
Chris Needs - BBC Radio Wales
Glan yr Afon
8 - 11pm
Daw Chris a'i ardd o gyfeillion yn fyw o Gasnewydd. Tocynnau'n £3 gyda'r elw yn mynd tuag at BBC Plant Mewn Angen. Ffoniwch linell wybodaeth BBC Cymru am docynnau.

Dydd Sadwrn 28 Hydref
Gweithdy Sgiliau Corawl
YMCA Casnewydd
10.30am - 4pm
Mae'r gweithdy yma yn gyfle perffaith i'r rheiny sydd â gwir angerdd mewn canu i wneud mwy gyda'u lleisiau ac i gyd-ganu mewn awyrgylch gartrefol llawn hwyl. Caiff y diwrnod ei arwain gan Gyfarwyddwr Artisitg Corws Cenedlaethol Cymreig y BBC, Adrian Partington. Am wybodaeth bellach, cysylltwch â llinell wybodaeth BBC Cymru.

Gallwch hefyd gysylltu â llinell wybodaeth BBC Cymru ar 08703 500700