 |  | | Dyddiadur Ffion
Darlledwyd stori teulu ifanc o Gaerdydd yn y gyfres Pethau Mawr Bywyd ar BBC Radio Cymru ddydd Sul, 28 Hydref, 2007 ac ailddarlledwyd eu stori ddydd Mercher, 31 Hydref am 18.00. | | |
| Ar ôl i Ffion Edwards, merch fach Dyfan a Sioned o Gaerdydd wella o lid yr ymennydd cyn ei bod yn chwe mis oed, fe gollodd ei chlyw. Cliciwch i wrando ar stori Sioned, Dyfan a Ffion Edwards Beth yw'r diweddaraf am fywyd Ffion ers i'r teulu orffen recordio eu stori ar gyfer rhaglen Pethau Mawr Bywyd ar BBC Radio Cymru? Mae Sioned a Dyfan Edwards wedi anfon gair at wefan Lleol. 27, Hydref, 2007.
"Erbyn diwedd mis Medi roedd "geirfa" Ffion yn dal i gynyddu. Mae hi erbyn hyn yn dweud tua ugain o "eiriau" yn ei ffordd bach ei hun, er mai dim ond y ddau ohonom ni fyddai'n debyg o adnabod y rhan fwyaf ohonynt! Mae 'na chwe mis bellach ers i Ffion glywed am y tro cyntaf trwy'r implants. Mi gafodd hi asesiad yr wythnos diwethaf i weld sut mae hi'n ymdopi a sut mae'r clyw yn datblygu. Roedd disgwyl iddi adnabod geiriau syml fel 'pêl', 'babi', 'banana' a 'ci' a phwyntio at yr eitem briodol pan fyddai'r gair yn cael ei enwi ac mi lwyddodd i wneud hynny heb broblem. Roedd athrawes y byddar hefyd yn dweud fod y ffaith fod Ffion yn defnyddio ei llais i geisio cyfathrebu yn galanogol a doedd dim ots bod yr ynganu yn aneglur. Dyw hi dal ddim yn dweud fawr ddim o gytseiniad ond nid yw hyn yn poeni neb gan y dylsai ddod ag amser. Sioned a Dyfan Edwards.
| | | |
 | | Cyfrannwch i'r dudalen hon! | | |
|
|
