Mae Mark Williams wedi dychwelyd yn ôl i safon wrth ennill pencampwriaeth snwcer y byd am yr ail dro.

Fe ddysgodd ei grefft yn 11 oed yn yr Emporium ym Margoed ac mae o'n dal i fynd yno bob dydd.

Ond nid gwastraffu ei amser yn ei ieuenctid wnaeth o, gwnaeth argraff ar y rhai o'i gwmpas gyda'i dawelwch meddwl ac fe fu hyn o gymorth iddo dyfu'n chwaraewr amatur o fri.

Ar ôl troi'n broffesiynol, sefydlodd Williams ei hun yn un i'w wylio a theitl Agored Regal Welsh oedd yn un o'r rhai cyntaf iddo ennill.

Bu'n fuddugol yng ngornest 1998 Benson and Hedges Masters ac ym Mhencampwriaeth 1999 Prydain ond roedd o'n siomedig iawn o golli i Stephen Hendry yn y ffeinal.

Gwireddwyd breuddwyd Williams yn 2000 pan gurodd Matthew Stevens 18-16 i ennill y wobr yn y ffeinal gyntaf rhwng dau Gymro.

Ond yn dilyn y fath lwyddiant, bu am ddwy flynedd wedyn heb ennill cystadleuaeth adref.

Hyfforddwyd ef gan y cyn bencampwr Terry Griffiths ac wedi'i ysbrydoli gan fuddugoliaeth Joe Calzaghe trechodd Williams Ken Doherty i ennill teitl Prydain yn Rhagfyr 2002.

Enillodd y teitl Masters yn ddiweddarach cyn sicrhau ei safle fel rhif un y byd wrth guro Doherty mewn ffeinal agos arall i gymryd teitl y byd yn y Crucible yn 2003.

Ei funud fawr : Curo Mathew Stevens i ddod yn bencampwr byd am y tro cyntaf yn 2000. Ond oedd ennill eto yn 2003 ar ôl cyfnod mor aflwyddiannus yn felysach?