Fe enillodd y ferch trin gwallt hwyliog ond diniwed hon galonnau'r gwylwyr yn nhŷ Big Brother.

Gadawodd Helen ei swydd yn y salon 'Classy Cutz' yng Nghasnewydd yn Haf 2001 i ymddangos yn y rhaglen deledu realiti gan addo achosi trafferth a dysgu nhw i ddawnsio.

Doedd hi ddim yn un o'r ffefrynnau ar y cychwyn cyntaf a disgwylid iddi hi gael ei thaflu allan yn fuan ond nid felly y bu, gan i'r gwylwyr fwynhau ei phersonoliaeth fywiog a'i dawn i ddiddanu.

Fe fu'r garwriaeth efo un arall o aelodau'r tŷ o gymorth hefyd, sef Paul Clarke, hynny ar holl dyweddiadau a'r cwestiynau diniwed neu'r Helenisms.

Fe arhosodd yn y tŷ am y naw wythnos a thaflwyd hi allan funudau yn unig cyn yr enillydd, Brian Dowling.

Yn sicr, mae hi wedi elwa'n ariannol o'r profiad ac ymunodd â theledu lloeren fel ymgynghorydd prydferthwch. Ers hynny, mae hi wedi ymddangos sawl gwaith ar y teledu, wedi cyhoeddi fideo aerobics ac yn trefnu i lansio colur i ieuenctid.

Efallai nad oedd y rhai oedd mor feirniadol o sylwadau naïf Helen ar Big Brother yn sylweddoli ei bod yn dyslecsig a'i bod nawr yn cefnogi ymgyrch llythrennedd y llywodraeth.

Er iddi hi a'i phartner Paul Clarke (hefyd o Big Brother) fod yn canlyn am tua 5 mlynedd, yn ôl y sôn daeth y berthynas i ben yn Haf 2006.