Daeth trobwynt y gêm wedi 50 munud. Yn dilyn cic flêr Jonathan Sexton, maswr Iwerddon, cafodd y Cymry dafliad ar y llinell hanner. Ond, gan fod y bêl a giciodd Sexton wedi mynd i'r dorf, yn ôl y llyfr rheolau nid oedd hawl gan Gymru I daflu'r bêl i mewn yn sydyn.
Ond, dyna a wnaethpwyd, gyda Matthew Rees yn taflu'r bêl yn sydyn i Mike Phillips a redodd am y gornel cyn i'r Gwyddelod gael cyfle i ffurfio'u hamddiffyn.
Iwerddon oedd ar y blaen, 13-9, ar yr hanner, gyda'r capten, Brian O'Driscoll, yn sgorio cais am y 24ain tro yn y Bencampwriaeth.
Yn ogystal â throsi cais Phillips, sgoriodd James Hook bedair cic gosb, gyda Leigh Halfpenny yn llwyddo a chic arall.
Hon oedd y drydedd gêm yn olynol i Gymru ennill - y tro cyntaf iddynt gyflawni'r gamp honno ers tymor y Gamp Lawn yn 2008.
Cymru: 15-Lee Byrne, 14-Leigh Halfpenny, 13-Jamie Roberts, 12-Jonathan Davies, 11-Shane Williams, 10-James Hook, 9-Mike Phillips; 8-Ryan Jones, 7-Sam Warburton, 6-Dan Lydiate, 5-Alun Wyn Jones, 4-Bradley Davies, 3-Craig Mitchell, 2-Matthew Rees (capten), 1-Paul James
Eilyddion: 16-Richard Hibbard, 17-John Yapp, 18-Jonathan Thomas, 19-Rob McCusker, 20-Dwayne Peel, 21-Stephen Jones, 22-Morgan Stoddart
Iwerddon: 15-Luke Fitzgerald, 14-Tommy Bowe, 13-Brian O'Driscoll (capten), 12-Gordon D'Arcy, 11-Keith Earls, 10-Ronan O'Gara, 9-Eoin Reddan; 8-Jamie Heaslip, 7-David Wallace, 6-Sean O'Brien, 5-Paul O'Connell, 4-Donncha O'Callaghan, 3-Mike Ross, 2-Rory Best, 1-Cian Healy.
Eilyddion: 16-Sean Cronin, 17-Tom Court, 18-Leo Cullen, 19-Denis Leamy, 20-Peter Stringer, 21-Jonathan Sexton, 22-Paddy Wallace.
Dyfarnwr: Jonathan Kaplan (De Affrica)
Llimanwyr: Craig Joubert (De Affrica), Peter Allan (Alban)
Teledu: Geoff Warren (Lloegr).
