Yr ymwelwyr sgoriodd unig gais y gem pan fanteisiodd Justin Tupric ar y dryswch yn amddiffyn y Gwyddelod i dirio o dan y pyst yn ei gem gyntaf fel capten ar y rhanbarth.
Diolch i'r trosiad gan Biggar a chic gosb yr oedd y maswr eisoes wedi trosi yn y munudau cyntaf, y Gweilch oedd ar y blaen ar yr egwyl er i Jonathan Sexton lwyddo gyda thair cic gosb.
Er yn gystadleuol yn y chwarae rhydd roedd y gweilch o dan bwysau yn y mannau gosod, gyda'r llinell yn enwedig yn destun gofid wrth iddyn nhw golli'r meddiant ar dafliad eu hunain ar wyth achlysur.
Ac wrth i Biggar weld un ymdrech ar ôl y llall yn methu fe fanteisiodd Leinster ar ei haelioni gyda Sexton yn gywir ei annel gyda dwy ymgais lwyddiannus at y pyst i sicrhau'r fuddugoliaeth.
Leinster: Luke Fitzgerald; Shane Horgan, Brian O'Driscoll, Gordon D'Arcy, Fergus McFadden; Jonathan Sexton, Eoin Reddan; Cian Healy, Richardt Strauss, Mike Ross, Leo Cullen (capt), Devin Toner, Dominic Ryan, Shane Jennings, Jamie Heaslip.
Eilyddion: Jason Harris-Wright, Heinke van der Merwe, Clint Newland, Nathan Hines, Rhys Ruddock, Isaac Boss, Ian Madigan, Eoin O'Malley/Isa Nacewa.
Gweilch: Barry Davies; Nikki Walker, Sonny Parker, Ashley Beck, Richard Fussell; Dan Biggar, Rhys Webb; Duncan Jones, Huw Bennett, Craig Mitchell, Ian Gough, Ian Evans, Tom Smith, Justin Tipuric (capt), Ryan Jones.
Eilyddion: Mefin Davies, Ryan Bevington, Cai Griffiths, James Goode, Jonathan Thomas, Jamie Nutbrown, Tom Prydie, Gareth Owen.
Dyfarnwr: Nigel Owens (URC).
