Fe ddaeth y cais cyntaf y Dreigiau wedi tair munud pan gyfunodd Tom Riley gydag Aled Brew i ganiatáu'r asgellwr i dirio.
Ychwanegodd y maswr Jason Tovey y trosiad ond fe fethodd ddau gynnig pellach at y pyst cyn i Ian Keatley dorri'r fantais pan lwyddodd gyda gôl gosb wedi 23 munud.
Ac fe aeth yr ymwelwyr ar y blaen wedi hanner awr pan dorrodd Eoin Griffin trwy sawl ymgais i'w daclo cyn rhyddhau'r Kiwi Troy Nathan i dirio am gais yn y gornel gafodd ei drosi gan Keatley.
Ond yn ol daeth y dreigiau bron yn syth gyda Riley y tro yma yn gorffen y symudiad wedi gwaith da gan Will Harries a Nathan Brew.
Diolch i drosiad Tovey roedd y tîm cartref 14-10 ar y blaen ond fe gosbwyd blaenwyr y Dreigiau munud cyn yr egwyl gan alluogi Keatley i gau'r bwlch.
Dirywio gwnaeth safon y chwarae wedi'r egwyl gyda chamgymeriadau di ri' gan y ddau dîm yn amharu ar lif y chwarae.
Er i gol gosb Keatley i adfer y fantais o blaid y Gwyddelod wedi deg munud fe atebodd Tovey gyda'i ymgais ei hun ar yr awr i sicrhau'r fuddugoliaeth.
Dreigiau: Will Harries; Adam Hughes, Tom Riley, Ashley Smith, Aled Brew; Jason Tovey, Jonathan Evans; Hugh Gustafson, Tom Willis (capt), Ben Castle, Adam Jones, Rob Sidoli, Lewis Evans, Gavin Thomas, Toby Faletau.
Eilyddion: Steve Jones, Pat Palmer, Phil Price, Luke Charteris, Andrew Coombs, Matthew Jones, Mike Petri, Patrick Leach
Connacht: Ian Keatley; Troy Nathan; Eoin Griffin, Keith Matthews (c); Fionn Carr; Miah Nikora, Cillian Willis; Brett Wilkinson, Sean Cronin, Jamie Hagan, Michael Swift, Michael McCarthy, Andrew Browne, Johnny O'Connor, Eoin McKeon
Eilyddion: Adrian Flavin, Rodney Ah You, Dylan Rogers, Bernie Upton, Mike McComish, Frank Murphy, Niva Ta'auso, Brian Tuohy
Dyfarnwr: Alan Lewis (Iwerddon).
