Roedd hi'n gyfartal 3-3 ar yr egwyl wedi hanner cyntaf i'w anghofio; Dave Walder a Matthew Jones yn llwyddo gyda gôl gosb yr un.
Ond daeth cais gyntaf y gêm wedi pedwar munud o'r ail hanner wrth i Joe Ward groesi a dim ond un tîm oedd ynddi wedi hynny.
Turiodd Mark Van Gisbergen wedi 65 munud, ac roedd y cefnogwyr cartref oedd wedi brwydro drwy'r eira yn dathlu eto pum munud yn ddiweddarach diolch i gais Tom Varndell.
Prin fod y cefnogwyr wedi setlo yn ôl yn ei seddi cyn i Nic Berry groesi i sicrhau pwynt bonws i Wasps.
Llwyddodd Walder i drosi am y bedwerydd tro, i ychwanegu at y ddwy gôl gosb aeth drwy'r pyst yn fuan yn yr ail hanner.
Ychydig iawn o gysur a ddaeth i'r Dreigiau wrth weld Aled Brew yn croesi am gais, a daeth diwedd ar y sgorio pan drosodd Jones.
Mae'r fuddugoliaeth yn codi Wasps i frig Grŵp 6 am y tro, gyda Toulouse, sy'n ail, yn croesawu Glasgow nos Fawrth.
Wasps: van Gisbergen, Varndell, Jacobs, Kefu, Lemi, Walder, Simpson, Taulafo, Ward, Broster, Shaw, Cannon, Worsley, Betsen Tchoua, Powell.
Eilyddion: Flutey am Kefu (60), Berry am Simpson (67), Haughton am Ward (67), Baker am Broster (68), Veale am Worsley (70).
Heb eu defnyddio: Lindsay, Ruwers, Matthews.
Dreigiau: Leach, Hughes, Riley, Smith, A. Brew, M. Jones, W. Evans, Gustafson, S. Jones, Castle, Charteris, Morgan, L. Evans, G. Thomas, Faletau.
Eilyddion: Cheeseman am Hughes (75), Leadbeater am W. Evans (71), Burns am S. Jones (54), Sidoli am Charteris (41), Lydiate am Faletau (52).
Heb eu defnyddio: Robinson, Palmer, N. Brew.
