Roedd hi'n edrych yn addawol i'r ymwelwyr ar yr hanner wrth adeiladu mantais o 11-16 diolch i ddau gais Nikki Walker a chiciau Dan Biggar. Daeth ail gais yr asgellwr dau funud ar ôl i Richie Gray gau'r bwlch gyda chais i Glasgow. Ond y tîm cartref reolodd ardal y dacl wedi'r toriad, ac roedd eu trwynau ar y blaen am y tro cyntaf wedi 64 munud diolch i gôl gosb Ruaridh Jackson a Duncan Weir gyda gôl gosb. Croesodd Richie Vernon am ail gais Glasgow tri munud yn ddiweddarach, a seliwyd y fuddugoliaeth pan sgoriodd Kevin Tkachuk yng nghysgod y pyst. Roedd digon o amser ar ôl i Walker hawlio ei hat-tric gyda symudiad olaf y gêm, ac er i Biggar lwyddo gyda'r trosiad, roedd y Gweilch un pwynt yn brin o hawlio pwynt bonws.
Glasgow: Bernardo Stortoni; DTH van der Merwe, Max Evans, Graeme Morrison, Rob Dewey; Ruaridh Jackson, Colin Gregor; Jon Welsh, Dougie Hall, Moray Low, Richie Gray, Aly Muldowney, Robert Harley, John Barclay (capt), Richie Vernon.
Eilyddion: Fergus Thomson, Kevin Tkachuk, Ed Kalman, Tom Ryder, Calum Forrester, Henry Pyrgos, Duncan Weir, Peter Horne. Gweilch: Lee Byrne; Nikki Walker, Tommy Bowe, James Hook, Richard Fussell; Dan Biggar, Mike Phillips; Paul James, Huw Bennett, Adam Jones, Ian Gough, Ian Evans, Jerry Collins (capt), Justin Tipuric, Ryan Jones.
Eilyddion: Mefin Davies, Ryan Bevington, Craig Mitchell, James Goode, Marty Holah, Jamie Nutbrown, Gareth Owen, Sonny Parker. Dyfarnwr: David Wilkinson (Iwerddon)
 | 
