Y Dreigiau groesodd am y cais agoriadol gyda'r asgellwr Adam Hughes yn sgorio cyn i Matthew Jones drosi'n llwyddiannus.
Llwyddodd Ruaridh Jackson gyda thair gôl gosb lwyddiannus cyn i Graeme Morrison croesi am eu cais agoriadol bum munud cyn yr egwyl.
Trosodd Jackson i wneud hi'n 16-7 ond fe leihawyd y fantais i chwe phwynt ar yr egwyl wedi i Jones lwyddo gyda chic gosb syml.
Yr oedd y fantais honno i lawr i dri phwynt yn unig yn fuan yn yr ail hanner gyda Jones yn llwyddiannus gyda'i ail gol gosb.
Bu'r ymwelwyr dan warchae am chwarter awr gyda chwarae penderfynol gan Tom Cheeseman ac Ashley Smith yn llwyddo i rwystro'r Warriors.
Roedd yr Archentwr Federico Aramburu wedi mynd yn agos i groesi i'r tîm cartref cyn i'r bachwr Fergus Thomson sgorio eu hail gais.
Fe gafodd Jones siawns i hawlio pwynt bonws i'r ymwelwyr yn hwyr yn y gêm ond roedd ei gic gosb yn rhy fyr wrth i'r Dreigiau golli ar benwythnos agoriadol Cwpan Heineken.
Glasgow: B Stortoni; D van der Merwe, M Evans, G Morrison, F Aramburu; R Jackson, C Gregor; J Welsh, F Thomson, M Low, T Ryder, R Gray, R Harley, J Barclay (capt), R Vernon.
Eilyddion: D Hall, R Grant, E Kalman, A Muldowney, C Forrester, H Pyrgos, D Weir, R Dewey.
Dreigiau: W Harries; A Hughes, T Cheeseman, A Smith, A Brew; M Jones, W Evans (capt); P Price, S Jones, B Castle, S Morgan, R Sidoli, D Lydiate, R Sowden-Taylor, A Coombs.
Eilyddion: L Burns, H Gustafson, N Hall, A Jones, L Evans, J Leadbeater, T Riley, M Evans.
Dyfarnwr: Jerome Garces (Ffrainc)
