Ar ôl colli yn erbyn Ulster ar benwythnos agoriadol y tymor fe darodd y Gweilch yn ôl drwy groesi am bum cais gan hawlio'r pwynt bonws.
Roedd y rhanbarth wedi derbyn hwb cyn y gêm gyda'r newyddion eu bod wedi llwyddo mewn apêl yn y penderfyniad i dynnu pedwar pwynt oddi wrthynt.
Roedd hi'n ymddangos y byddai'r Gweilch yn sicrhau buddugoliaeth gyfforddus wedi i Lee Byrne a Nikki Walker groesi am y 13 munud agoriadol.
Ond fe gollodd y tîm cartref eu ffordd wedi hynny a 15-9 oedd y sgôr ar yr egwyl gyda'r mewnwr Tobias Botes yn llwyddiannus gyda thair gôl gosb i'r Eidalwyr.
Yn fuan yn yr ail hanner roedd y Gweilch i ymestyn eu mantais gydag Andrew Bishop yn canfod bwlch cyn croesi am y trydydd cais.
Seren y gêm Jonathan Thomas sgoriodd y bedwaredd cais i sicrhau'r pwynt bonws naw munud i mewn i'r ail hanner wrth iddo groesi yn dilyn sgarmes.
Gyda'r ymwelwyr lawr i 14 dyn wedi i Tommaso Benvenuti dderbyn y cerdyn melyn, Shane Williams sgoriodd y bumed cais wedi 73 munud.
Yr ymwelwyr gafodd y gair olaf gyda Brendan Williams yn croesi am gais gysur yn ystod y munudau olaf gyda Botes yn trosi'n llwyddiannus.
Gyda'r Gweilch wedi adennill pedair pwynt, mae'r fuddugoliaeth yn golygu eu bod wedi codi o waelod y tabl i'r ail safle yng Nghynghrair Magners.
Gweilch: Lee Byrne; Nikki Walker, Andrew Bishop, Gareth Owen, Shane Williams; Dan Biggar, Jamie Nutbrown; Ryan Bevington, Mefin Davies, Cai Griffiths, Ian Gough, Ian Evans, Jerry Collins (capt), Marty Holah, Jonathan Thomas.
Eilyddion: Huw Bennett, Duncan Jones, Paul James, James Goode, Ben Lewis, Rhys Webb, Tommy Bowe, Richard Fussell. Benetton Treviso: Brendan Williams; Tommaso Benvenuti, Ezio Galon, Alberto Sgarbi, Luke McLean; Khristopher Burton, Tobias Botes; Augusto Allori, Diego Vidal, Pedro Di Santo, Enrico Pavanello, Corniel Van Zyl, Robert Barbieri, Alessandro Zanni, Paul Derbyshire.
Eilyddion: Leonardo Ghiraldini, Lorenzo Cittadini, Ignacio Fernandez Rouyet, Valerio Bernabò, Manoa Vosawai, Benjamin De Jager, Fabio Semenzato, Simon Picone.
Torf: 6,724
Dyfarnwr: Dudley Phillips (Iwerddon)
