Ar ôl colli yn siomedig yn y gêm agoriadol yn Treviso mae Stephen Jones, Sean Lamont a Matthew Rees yn dychwelyd i'r garfan. "Rydym wedi dweud trwy'r adeg mai'r canlyniadau gartref sy'n bwysig", medd yr hyfforddwr Nigel Davies. "Yn naturiol fe fydden ni wedi hoffi ennill yn Treviso, ond fe gawn weld yn ystod y tymor pa mor bwysig oedd rhoi profiad o chwarae yng nghynghrair Magners i rai aelodau o'r garfan", ychwanegodd yr hyfforddwr. "Yr hyn sy'n bwysig nawr yw adennill ffydd y cefnogwyr a'r unig ffordd i wneud hynny yw trwy berfformio'n dda ac ennill", meddai Davies. Un yn unig o'u hwyth gem gystadleuol ddiwethaf mae'r Scarlets wedi eu hennill. Ac fe ddaeth y fuddugoliaeth swmpus honno, o 58-10, dros Connacht ym Mharc y Scarlets ym mis Ebrill eleni.
 | 
