Wedi gêm llawn tensiwn, daeth unig gôl y gêm gyda chwarter awr yn weddill.

Ac fe fydd y gôl yn cael ei thrafod am flynyddoedd, os nad degawdau i ddod.

Cafodd ergyd Hughie Ferguson ei arbed gan y golwr Arsenal, y Cymro Dan Lewis.

Ond rhywsut llithrodd y bêl drwy ddwylo Lewis, o dan ei gorff a dros y llinell.

Pwysodd Arsenal am gôl gyfartal, ond safodd Nelson, Watson, Sloan a Keenor yn gadarn.

Ac ar ganiad y chwiban olaf heidiodd miloedd o Gymry gorfoleddus i'r maes er mwyn cofleidio eu harwyr.

Roedd hi'n briodol, a hithau'n ddydd nawddsant Lloegr mai'r Brenin Siôr V oedd y Gwestai Anrhydeddus i gyflwyno'r Gwpan i Keenor.

Hon oedd yr ail waith mewn tair blynedd yr oedd Caerdydd wedi llwyddo i gyrraedd rownd derfynol Cwpan Lloegr.

Colli yn erbyn Sheffield United oedd hanes Caerdydd ym 1925.

Ond roedd Fred Keenor wedi mynnu bryd hynny y byddai Caerdydd yn dychwelyd i Wembley ac yn ennill y Gwpan.

Arsenal: Lewis, Parker, Kennedy, Baker, Butler, John, Hulme, Buchan, Brain, Blyth, Hoar.

Caerdydd: Farquharson, Nelson, Watson, Keenor, Sloan, Hardy, Curtis, Irving, Ferguson, Davies, McLachlan.

Goliau: Ferguson (74)

Dyfarnwr: W.F. Bunnell (Preston)

Torf: 91,206