Sgoriodd Kanu unig gôl y gêm ar ddiwedd yr hanner cyntaf ar ôl i gôl-geidwad Caerdydd Peter Enckelman fethu dal croesiad isel John Utaka.

"Camgymeriad gostiodd y gêm i ni, ond rhoddodd y chwaraewyr bopeth ar y cae a dyna'r oll y medrwn i ofyn amdano," meddai Jones.

"Fe all pawb fod yn falch o'r tîm. Dwi ddim yn teimlo dim gwell ond dwi'n falch iawn o'r chwaraewyr a'r staff."

Dywedodd Joe Ledley ei fod yn teimlo bod Caerdydd wedi colli cyfle euraidd i wneud hanes ar ôl rhoi Portsmouth o dan gryn bwysa mewn gêm agored.

"Dwi'n siomedig iawn, dwi'n meddwl ein bod ni 'di chwarae'n dda ac yn haeddu rhywbeth o'r gêm," meddai'r Cymro ifanc sy'n hanu o'r Gaerdydd.

"Mae'r pethau 'ma yn digwydd ym mhêl-droed ac mae'n rhaid i mi edrych ymlaen at dymor nesaf rŵan, ond mae hi 'di bod yn anrhydedd bod yma.

"Efallai down ni ddim yn ôl yma, felly 'ma hi'n gyfle 'da ni wedi ei golli - ond maen nhw'n chwarae yn yr Uwchgynghrair a 'da ni yn y Bencampwriaeth."