Fe ddaw'r newyddion diwrnod yn unig ers i Suzuki benderfynu gadael y gamp a llai nag phythefnos ers i Honda gyhoeddi y byddan nhw'n rhoi'r gorau i gystadlu yn Fformiwla Un.

Mae'r Cymro Phil Mills o'r Drenewydd yn un o gyd-yrwyr Subaru sydd wedi bod ymhlith y timau mwyaf llwyddiannus y byd ralio dros yr 20 mlynedd ddiwethaf.

Mewn datganiad ar eu gwefan swyddogol dywedodd Subaru: "Mae'r penderfyniad sydyn yn ymateb i'r wasgfa economaidd sydd yn effeithio ar y diwydiant moduro.

Ddydd Llun dywedodd Suzuki eu bod nhw wedi penderfynu "canolbwyntio ar elfennau craidd ei busnes" wrth gyhoeddi eu bod yn gadael y byd ralio a hynny blwyddyn yn unig ar ôl cystadlu am y tro cyntaf.