PRIF DDIGWYDDIADAU

Sgôr derfynol: Lloegr 2-0 Trinidad a Tobago

90 + 1 mun: Gôl - Lloegr 2-0 Trinidad a Tobago
Steven Gerrard yn sicrhau'r fuddugoliaeth gyda tharan o ergyd.

85 mun Rhaid i Loegr fod yn wyliadwrus ar ôl mynd ar y blaen. Daw Evans Wise ymlaen i'r maes yn lle Densill Theobald yn syth mae ei groesiad yn hedfan dros y trawst.

83 mun: Gôl - Lloegr 1-0 Trinidad a Tobago
O groesiad David Beckham o'r dde, mae Peter Crouch yn curo Brent Sancho gyda'i beniad yn rhoi Lloegr ar y blaen.

78 mun: Frank Lampard yn ergydio ar draws wyneb y gôl a does neb yno i orffen y symudiad.

74 mun: Rhediad da gan yr eilydd Cornell Glen, ond amddiffynnwr yn ei rwystro rhag ergydio.

74 mun: Mae Joe Cole yn gadael y maes gyda Stephen Downind yn dod ymlaen yn ei le.

69 mun: Mae Trinidad a Tobago yn gwneud eu newid cyntaf o'r gêm gyda Cornell Glen yn dod ymlaen yn lle Kenwyne Jones.

68 mun: O groesiad Beckham o'r dde, mae Crouch yn neidio yn uwch 'na Sancho ond yn penio dros y trawst.

60 mun: Mae cyflymder yr eilydd Aaron Lennon yn creu trafferthion i Trinidad a Tobago.

57 mun: Ond dyna yw cyfraniad olaf Owen, gyda Wayne Rooney yn dod i'r maes yn ei le. Daw Aaron Lennon hefyd ymlaen i'r maes yn lle Jamie Carragher.

55 mun: Michael Owen yn dod yn agos i Loegr gyda peniad yn dilyn cic rhydd Beckham.

54 mun: O groesiad Ashley Cole, mae Peter Crouch yn creu cyfle iddo'i hun ond yn ergydio dros y trawst.

Hanner amser: Lloegr 0-0 Trinidad a Tobago

45 + 1 mun: Mae John Terry yn cael gwared o'r bêl yn dilyn cornel Trinidad a Tobago. Ond nid yw gwaith capten Chelsea ar ben ac yntau'n gorfod crymanu'r bêl wrth i Stern John geisio orfodi'r bêl dros y llinell.

44 mun: Mae Peter Crouch yn gwastraffu cyfle da i Loegr, ond mae'n gwneud smonach o'i foli yn dilyn croesiad Beckham.

36 mun: Croesiad Yorke yn creu problemau i Paul Robinson ac amddiffyn Lloegr, ac ar y postyn pellaf mae Stern John yn penio modfeddi heibio'r psotyn.

35 mun: O gic rhydd Dwight Yorke, mae'n rhaid i Rio Ferdinand benio dros y trawst ac ildio cornel.

34 mun: Mae Frank Lampard yn canfod ei hun mewn digon o le yn y canol ac yn ergydio modfeddi heibio'r postyn.

32 mun: Steven Gerrard sydd yn cynnig o bell y tro hwn, ond mae ei ergyd yn bell dros y trawst.

27 mun: Mae Peter Crouch yn creu problemau yng nghwrt Trinidad a Tobago, ond mae Michael Owen a Frank Lampard yn methu manteisio ac mae Cyd Gray yn llwyddo i gael gwared o'r perygl.

24 mun: Cyn chwaraewr Wrecsam, Carlos Edwards gyda ergyd o bell i Trinidad a Tobago.

20 mun:Mae Steven Gerrard yn cael ei lorio gan Aurtis Whitley a Lloegr yn ennill cic rhydd. Mae Beckham yn canfod Peter Crouch, ond mae'n penio dros y trawst ar ôl dod o dan bwysau gan Lawrence.

19 mun: Mae mur amddiffynnol Trinidad a Tobago yn rhwystro cic rhydd David Beckham.

16 mun: Gwir gyfle cyntaf Lloegr, gyda croesiad Joe Cole yn canfod Peter Crouch ar y postyn pellaf sydd yn ymestyn ond yn cael ei rwystro gan Shaka Hislop.

12 mun: Mae Joe Cole yn ennill cic gornel i Loegr, ac mae amddiffynnwr Wrecsam yn gwneud gwaith da i rwystro Peter Crouch.

6 mun: Hislop yn methu dal ergyd Frank Lampard, ond yn ffodus iddo ef dyw Michael Owen methu gwneud dim gyda'r bêl rydd.

2 mun: Jamie Carragher gyda chynnig gyntaf y gêm, ond dyw ei ergyd ddim yn trafferthu Shaka Hislop.

NEWYDDION

Bydd Lloegr yn sicrhau eu lle yn y rownd nesaf os ydynt yn fuddugol yn Nuremberg.

Mae disgwyl y bydd Jamie Carragher yn cymryd lle Gary Neville yn safle'r cefnwr dde, tra bod disgwyl i golwr Trinidad a Tobago, Shaka Hislop fod yn holliach.

TIMAU

Lloegr: Robinson, Carragher, Terry, Ferdinand, Ashley Cole, Beckham, Lampard, Gerrard, Joe Cole, Owen, Crouch.
Eilyddion: Rooney, Campbell, James, Bridge, Hargreaves, Jenas, Carrick, Lennon, Downing, Carson, Walcott, Neville.

Trinidad & Tobago: Hislop, Edwards, Sancho, Lawrence, Gray, Birchall, Whitley, Yorke, Theobald, Stern John, Jones.
Eilyddion: Cox, Latapy, Samuel, Glen, Wise, Charles, Scotland, Ince, Wolfe, Andrews, Jack.

Dyfarnwr: Toru Kamikawa (Japan).