Lleoliad	De Corea  Siapan
Timau	32
Pencampwyr	Brasil
Prif Sgorwyr	Ronaldo  8 gôl

Roedd hefyd yn bencampwriaeth llawn syrpreis wrth i Twrci a De Corea synnu pawb a chyrraedd y rowndiau cynderfynol.

Yn annisgwyl, ni lwyddodd rhai o'r ffefrynnau: Yr Ariannin, Portiwgal a'r deiliaid Ffrainc sicrhau eu lle yn yr ail rownd.

Gyda Zinedine Zidane yn dioddef o anaf, ni lwyddodd Ffrainc i sgorio gôl wrth orffen ar waelod Grwp A.

Llwyddodd De Corea, dan arweiniad Gus Hiddink, i gyrraedd y rownd gyn derfynol - y tîm cyntaf o Asia i wneud hynny - gan guro'r Eidal a Sbaen.

Ar ôl ennill eu grŵp, aeth Siapan ymlaen i'r ail rownd cyn colli yn erbyn Twrci - tîm gyrhaeddodd y rownd gynderfynol.

Uchafbwynt cystadleuaeth Lloegr oedd y fuddugoliaeth yn erbyn yr Ariannin, cyn i goliau Rivaldo a Ronaldinho dros Frasil eu trechu yn rownd yr wyth olaf.

Colli ar giciau o'r smotyn yn erbyn Sbaen yr ail rownd oedd hanes Iwerddon, oedd wedi gorfod gwneud heb eu capten Roy Keane, adawodd y garfan wedi ffrae ar drothwy'r gystadleuaeth.

Ymddangosodd pedair gwlad am y tro cyntaf yng Nghwpan y Byd - China, Ecuador, Slovenia a Senegal, drechodd y deiliad Ffrainc yn y gêm agoriadol gyda Papa Bouba Diop yn sgorio unig gôl y gêm.

Brasil a'r Almaen, gwledydd mwyaf llwyddiannus y gystadleuaeth dyma'n cwrdd yn y rownd derfynol yn Yokohama - y tro cyntaf i'r ddwy wlad gwrdd yng Nghwpan y Byd.

Wedi ei hunllef ym Mharis bedair blynedd ynghynt, Ronaldo oedd arwr y rownd derfynol gan sgorio ddwywaith mewn buddugoliaeth o 2-0.

Gorffennodd y gystadleuaeth yn brif sgoriwr gydag wyth gôl, gan gipio'r Esgid Aur.

Golwr Yr Almaen, Oliver Kahn, enillodd y Bêl Aur fel chwaraewr gorau'r gystadleuaeth.