Lleoliad	UDA
Timau	24
Pencampwyr	Brasil
Prif Sgorwyr	Hristo Stoitchkov Oleg Salenko 6 gôl

Er hyn cafwyd torfeydd uchel iawn ar gyfer y gemau, gyda'r cyfartaledd o 69,000 yn torri record oedd wedi sefyll ers 1950.

Chwaraeodd Gwlad Groeg, Nigeria a Saudi Arabia yn y rowndiau terfynol am y tro cyntaf.

A chwaraewyd gêm dan do yng Nghwpan y Byd am y tro cyntaf erioed wrth i America herio Swistir yn y Pontiac Silverdome.

Hefyd, wedi Wal Berlin ddod i lawr, roedd tîm unedig o'r Almaen yn cystadlu am y tro cyntaf ers 1934.

Ond fe synnwyd y deiliaid gan dîm disglair Bwlgaria yn rownd yr wyth olaf wrth i brif sgoriwr y gystadleuaeth, Hristo Stiochkov, a Iordan Letchkov rwydo i yrru'r Bwlgariaid drwodd i'r rownd gynderfynol.

Mae'n deg dweud na fyddai unrhyw un wedi dychmygu cyn y bencampwriaeth mai Sweden a Bwlgaria fyddai dau o'r timau yn y rownd gynderfynol.

Ond ni lwyddodd y naill dîm na'r llall i gymryd y cam olaf i'r rownd derfynol wrth i Frasil a'r Eidal eu trechu.

Roedd y rownd derfynol yn un o'r gemau mwyaf diflas erioed gyda'r gêm yn gorffen heb gôl wedi 120munud o chwarae a bu rhaid cael ciciau o'r smotyn am y tro cyntaf erioed mewn rownd derfynol.

Brasil oedd yn fuddugol gan ennill y tlws am y pedwerydd tro yn eu hanes wedi Roberto Baggio fethu cic o'r smotyn i'r Eidalwyr.